Како правилно да се спакувате за ништо да не може да ви го уништи одморот?

Моментот на пакување пред да отидете на одмор или било какво патување најчесто може да биде хаотичен, а резултира со нервоза бидејќи не може да го затворите.

Уште потешко е потоа кога треба да одберете што ќе извадите и како да одлучите што да не носите од сите работи што сте ги напикале во куфер.

На крај, може да завршите со нервози бидејќи дури кога ќе стигнете ќе сфатите дека нешто сте заборавиле, а сте земале непотребни работи.

За полесно да се организирате и да немате нервози, следете ги следните трикови:

Испланирајте го добро патувањето

Првиот чекор е да одберете соодветен куфер во зависност од патувањето. Ако патувате со авион или воз, проверете добро дали има рестрикции за големината и количината на багажот.

Исто така, проверете го и времето за да знаете каква облека треба да понесете. Истражете го и местото каде одите за да знаете што треба да земете, а со што е снабден самиот хотел/апартман.

Направете список

Напишете список со сите работи дури и најмалите ситници кои сметате дека треба да ги земете.

Оставете го списокот на видливо место за да може да го дополнувате секојпат кога ќе се сетите на нешто. Разгледувајте ги добро сите работи и обидете се да ги групирате.

Групирајте ги сите работи од списокот

Групирањето на сите работи од списокот ќе ви помогне да одлучите што навистина ви е потребно.

Многу пати пакуваме непотребни предмети или аутфити кои само ни заземаат место.

Ставете ги сите работи на едно место, соодветно групирани и проверете дали ви требаат сите 3 типови на чешал и слично.

Водете се по тоа дали сите работи кои ги носите ќе ги искористите повеќепати од еднаш.

Направете си комплети од облека

Препорачливо е сите парчиња облека и аксесоари кои ќе ги земете да бидат во слична палета на бои, за да можете полесно да ги комбинирате и да ги оставите дома оние парчиња кои не се вклопуваат во комбинациите.

Како да ги организирате работите за да ги собере во куферот

Неколку трикови за да го искористите правилно просторот во куферот како тетрис:

• Виткајте ја облеката во ролни наместо да ја диплите
• Сите помали парчиња облека здиплете ги во најголемото парче 
• Тоа што тежи повеќе ставете го на дното на куферот, а тоа што се гужва – најгоре
• Ако носите ранец, тоа што тежи повеќе ставете го во средина, а потоа полнете ги останатите празнини
• Користете кеси со затворач за подобро да ги организирате сите предмети и да не ви се измешани

Облечете ги на вас работите кои заземаат најмногу простор

Ако одите на дестинација каде што е поладно, облечете на вас палто и носете ги работите кои зафаќаат најмногу место на вас.

Документите ставете ги на дофатливо место

Документите како пасоши, лична идентификација, билети, ваучери за резервација и слично треба секогаш да ви бидат во рачниот багаж, при рака и мора да знаете точно каде се наоѓаат.

За да не мора да ги заборавате или да ги барате по цела торба, купете си посебна торбичка за документи каде сите ќе ви бидат на едно место.

Носете празни кеси

Неколку празни кеси секогаш ќе ви бидат од корист кога ќе имате нечиста долна облека, мокра облека или чевли.

Видео кое ќе ви биде од голема корист при пакувањето:

М. М. | Црнобело