Кулинарски трикови заради кои готвењето нема да ви претставува обврска туку задоволство

Кулинарските трикови им се потребни дури и на оние кои се највешти во кујната, за да им го олеснат процесот на подготовка храна.

Независно дали станува збор за лупење, загревање или нешто покомплицирано, секогаш е добро да имате некој трик за полесно справување во кујната.

Дури и на оние кои го сфаќаат готвењето како обврска, а не задоволство, следниве трикови ќе им бидат од голема помош.

Колку од нив ги применувате?

1. За да го излупите лукот без да направите неред, загрејте го целосно во микробранова 20 секунди. Кога ќе го извадите, лушпата сама ќе излезе.

2. Најдобар и најлесен начин да се излупи ѓумбир е со заоблените краеви на лажицата.

3. За рибата да не ви се лепи на скарата и да се распадне при печење, ставете ја врз неколку парчиња лимон.

4. Повторното топлење на пицата не остава секогаш убав вкус, па за правилно да ја загреете, ставете го парчето во микробранова, а до него стаклена чаша вода за да не се исуши пицата.

5. Ако сакате да исечете повеќе шери домати одеднаш на пола, ставете ги врз долниот дел на чинијата и поклопете ги со долниот дел на друга чинија како на сликата, а потоа полека сечете на половина.

6. Замрзнете го малку кромидот пред да го сечете за да спречите печење на очите и солзење.

7. Замотајте ги бананите со фолија како на сликата, за да спречите скапување и да останат свежи уште неколку дена.

8. Искористете скршена лушпа од јајце за да ги соберете малите парченца од лушпата кои паднале во белката.

9. Плескавиците често се сушат кога се прават на скара, а за да се одржат сочни, ставете коцка мраз во средината и печете.

10. За полесно сечење на месото, користете ножици наместо нож.

11. Секогаш користете хартија за печење за полесно отстранување на колачи, леб и печива од тава по печење.

М. М. | Црнобело