Дали кутиите за леб се навистина добри за да го зачувате лебот свеж?


Дали кутиите за леб се навистина добри за да го зачувате лебот свеж?

Речиси и да нема домаќинство во кое нема една од оние познатите кутии за леб, во која се чуваат векните и која треба да ја зачува неговата свежина.

dali-kutiite-za-leb-se-navistina-dobri-za-da-go-zachuvate-lebot-svezh-01.jpg

Во текот на годините се објавија многу теории околу тоа дали овие кутии се навистина практични. Според едни, во нив се собираат микроорганизми кои може да се пренесат врз лебот, односно се нехигиенски. Според други, лебот побрзо мувлосува поради намалената циркулација на воздух.

Но, најновите сознанија, како што наведува сајтот „Southern Living“, се дека старата и добра кутија за леб навистина ќе го зачува подолго време свеж. Дали претпоставувате која е најлошата опција? Изненадувачки, но лебот најбрзо се расипува и мувлосува во хартиените ќеси во кои често се продава. Во нив и најбрзо се стврднува и по третиот ден, тешко може да се сече парче од него.

Пластичната амбалажа ја прави кората на лебот влажна и речиси гумена. Иако во овој случај тој трае и до 5 денови, премногу е мек и влажен, а губи и добар дел од карактеристичниот вкус.

Па, што чекате? Издезинфицирајте ја старата кутија за леб од кујната и обложете ја со хартија, а потоа таму чувајте го лебот.

Е. Д. | Црнобело

Би можело да ве интересира:

Едноставен трик што ќе ѝ ја врати бојата на вашата црна облека Тајната, верувале или не, се крие во вашата кујна и чини навистина малку. Обидет...
Што најпрво забележуваат луѓето во неуредните домови? Некогаш не можете да гледате како не е сè под конец кај вас дома, а некогаш пак,...
Зошто никогаш не треба да ги оставате чевлите низ домот и да шетате на... Сосема е вообичаено кога ќе си дојдете дома од некаде, барем во ходникот да влез...