7 места во домот кои најчесто заборавате да ги исчистите


7 места во домот кои најчесто заборавате да ги исчистите

Дури и кога мислите дека правите генералка дома, сигурно постои барем еден агол што го запоставувате, не намерно, туку затоа што го заборавате.

7-mesta-vo-domot-koi-najchesto-zaboravate-da-gi-ischistite-01.jpg

На Редит една корисничка започнала тема и дала неколку можни одговори, а другите корисници гласале, па е составена листа од топ 7 места во домот на кои забораваме речиси секогаш кога го одржуваме.

Завесата на туш кабината

Овој предлог доби 32.000 гласови и 7.500 коментари на согласување дека е запоставен дел од домот. Според едни, решението е да се пере во машина со уште една до две крпи. Според други, треба да се смени со нова кога ќе ја забележите првата црна точка од мувла, а некои предложуваат и да ја сушите надвор после секое користење на тушот.

7-mesta-vo-domot-koi-najchesto-zaboravate-da-gi-ischistite-02.jpg

Цедалката за садови

Отидете до кујната и погледнете ја цедалката за садови. Сигурно на нејзе има бигор, нечистотии, па дури и мувла. Најдобро е да купите таква на ногарки или силиконска и редовно да ги одржувате чисти.

Ѕидовите

Размислете и сами, колку често ги чистите ѕидовите? Најверојатно никогаш, така? Но, нечистотиите лесно се лепат за ѕидовите, дури и ако не пушите цигари дома. Со помош на мала метла или со крпа за бришење прашина пребришувајте ги и ѕидовите.

7-mesta-vo-domot-koi-najchesto-zaboravate-da-gi-ischistite-03.jpg

Душекот

Само менувате постелнина, но треба и еднаш неделно да го чистите душекот со правосмукалка. На секои шест месеци повикајте сервис за машинско перење и длабинско тресење на мебел.

Предметите за чистење

Од сунѓерчето за садови, па до машината за перење, сигурно не сте се сетиле дека треба и за нив да се погрижите. Перете ги сунѓерите од џогерите, менувајте го сунѓерчето за садови секој месец, а машините за перење облека и за садови на два месеца пуштајте ги да работат на „празно“ или на програмата за самочистење.

7-mesta-vo-domot-koi-najchesto-zaboravate-da-gi-ischistite-05.jpg

Вентилаторите

Можеби на ова и сте се сетиле, но веројатно ве мрзело да ги исчистите перките на вентилаторот. А замислете само колку прашина се шири кога е пуштен вентилаторот и таа завршува врз вас или врз храна.

Микробрановата печка

Луѓето обожаваат да ја одложуваат обврската за чистење на микробрановата печка, а е многу лесно: ставете сад со вода, малку оцет и 2-3 парчиња лимон и оставете да се загрее. Потоа само избришете ги маснотиите.

7-mesta-vo-domot-koi-najchesto-zaboravate-da-gi-ischistite-04.jpg

Е. Д. | Црнобело

Би можело да ве интересира:

9 работи кои никогаш не треба да ги ставате во машина за садови Кога ќе се насоберат садови, никој нема желба да ги мие, па најлесно е да се ста...
Работи кои никогаш не треба да завршат во машина за перење облека Колку пати ви се случило кога ќе ги извадите панталоните од машина за перење да ...
Зошто никогаш не треба да ги оставате чевлите низ домот и да шетате на... Сосема е вообичаено кога ќе си дојдете дома од некаде, барем во ходникот да влез...