Директорот на Levi’s ги нема испрано фармерките 10 години - Зошто не треба да ги перете и вие?

Извршниот директор на Levi's, Чип Берг, тврди дека не треба да ги перете фармерките, а неговите фармерки немаат видено машина 10 години.

Уште пред неколку години, Бергс открил дека омилениот пар фармерки го носи веќе 10 години, а уште не виделе како изгледа машина, а сега повторно во една изјава напоменал дека треба да престанете да ги перете фармерките.

Наместо да ги пере во машина, тој само ги чисти деловите кои се извалкани или ги пере на рака.

„Ги чистам фармерките на местата кои имаат дамка кога треба да се исчистат, или во најлош можен случај ги перам на рака. И го правам тоа сам. Си ги сакам фармерките и се грижам заа нив.“ – изјавил директорот на Levi’s.

Она што многумина ги чуди е секако, како може да ги носи со нечистотија на нив, како и со толку насобрани бактерии кои со години се собираат на нив, а не се воопшто испрани?

Верувале или не, според извршниот директор на бренд за нетоксично чистење облека, Кели Лав, наводно тоа не е проблем ако редовно ги проветрувате на воздух и сонце.

Таа вели дека обичното, секојдневно нивно носење на нормални места не може да го изложи  вашето здравје на ризик и дека не треба да се плашите од микробите.

Всушност, со тоа што ќе ги оставите надвор неколку дена на воздух и сонце додека да го изгубат непријатниот мирис, е подобро отколку да ги исперете во машина.

Ако нема доволно сончева светлина, и замрзнувач ќе заврши работа, но ќе треба да го повторите тоа неколкупати додека се ослободите од мирисот и нечистотијата.

Ако директорот на Levi’s го следи ова правило, што мислите, треба ли сите да го послушаме?

М. М. | Црнобело