Знаевте дека хулахопките ќе ви траат подолго ако ги ставите еднаш во замрзнувач?

Ако во вашиот замрзнувач може да се најде само храна и остатоци од храна, може да заклучиме дека многу пропуштате.

Замрзнувачот има многу намени на кои воопшто не би помислиле, а всушност ќе ви бидат од корист. 

За каква цел може да го користите замрзнувачот?

Свеќите да траат подолго

Ставете ги свеќите во замрзнувач еден ден пред да ги употребите за да ви траат двојно повеќе. Ладењето на восокот ќе придонесе да горат побавно, а кај некои свеќи дури ќе го спречи и капнувањето восок.

„Исперете“ ги фармерките 

Нема гаранција дека тексасот нема да се собере или да избледе откако ќе го исперете. Затоа, кога ќе почувствувате дека вашите омилени фармерки почнале да мирисаат непријатно, ставете ги во платнена вреќичка и оставете ги во замрзнувачот преку ноќ.

Ниската температура ќе ги уништи бактериите што предизвикуваат лош мирис.

Дезинфицирајте ги дрвените антиквитети

Сигурно дома имате барем еден дрвен предмет кој сакате да го употребувате секојдневно, но се грижите дека има многу бактерии по површината бидејќи го купивте во чаршиската антикварница.

Решението можеби бара малку повеќе време, но е прилично едноставно - ставете го предметот во замрзнувач неколку недели, за да ги уништите термитите и нивните јајца.

Чувајте семиња

Ако сакате да зачувате семиња за следната сезона, ставете ги во замрзнувачот. Претходно само проверете дали се комплетно суви и добро затворете ја ќесичката во која ќе ги чувате.

Продолжете им го животниот век на хулахопките

Обично не траат долго и се уништуваат по неколку носења, но постои начин да заштедите и да им го продолжите животниот век. Навлажнете нов пар хулахопки, исцедете ги добро и ставете ги во ќесе за замрзнување.

Оставете ги во замрзнувачот преку ноќ - ладното ќе ги зацврсти конците, ќе ги заштити од брзо кинење и ќе им го продолжи животниот век.

Следниот ден извадете ги од замрзнувачот и оставете ги на собна температура. Ова треба да го направите само еднаш за секој нов пар.

Отстранете прашина од парчињата облека

Здодевната прашина што ви се лепи на гардеробата лесно може да стане минато. Таа не преживува на ниски температури. Носените парчиња облека ставете ги во големи ќеси и оставете ги преку ноќ во замрзнувачот.

Потоа исперете ги и уживајте во нивниот нов, свеж изглед.

А. Ш. | Црнобело