3 најчести грешки со кои ги уништувате костимите за капење

Овие грешки многу луѓе ги прават, кога станува збор за костими за капење, а веројатно не ни знаат. Експертот за костими за капење и сопственичката на Бикини Хаус бутикот во Торонто, Меријен Терзис, ги открива трите вообичаени грешки што луѓето ги прават кога станува збор за костими за капење. 

Дали и вие ги правите овие грешки?

Ги перете во машина за алишта

Таа советува дека секогаш треба да ги перете костимите за капење рачно, или барем да ги исплакнете. Ако ништо друго, барем наполнете го садот со вода и исплакнете го костимот за капење.

Можете да го оставите да стои во вода преку ноќ и да го исцедите наутро, додека не се исуши.

Го оставате на сонце долго време

Многу луѓе го оставаат костимот за капење на сонце, за да се исуши што е можно поскоро, но предолго стоење на сонце може да му наштети на материјалот. УВ зраците ги ослабуваат влакната на материјалот, а и бојата бледее.

Наместо тоа, ставете го костимот за капење на пешкир и оставите го да се исуши под сенка.

Носите еден костим за капење цело лето

Ако одите на одмор неколку дена не ви е доволен само еден костим за капење. Понесете барем два. Истите не заземаат многу простор во вашата торба.

На овој начин ќе имате време да го исперете костимот за капење после секое носење и нема да морате да чекате истиот да се исуши, бидејќи имате друг.

Покрај тоа, таа ве советува да носите различни модели на костими за капење, односно различни отвори, за да ги минимизирате белите линии на телото.

Ашера | Црнобело