Сода, оцет, лимон - трикови за лесно чистење на загорени садови

Есента е сезона кога сакаме да уживаме во кујната, да подготвуваме вкусни рецепти и да уживаме во истите. Но, ако не сте баш спретна домаќинка честопати ќе се случи да ви загори тенџере, тава или некој друг сад, па миењето да е невозможно дури и во машина за садови.

Како најлесно да ги чистите садовите?

1. Иноксот не смее да го гребете. Избегнувајте ги сите абразивни средства за миење. Ако нешто ви загори, ставете сода бикарбона во садот, жешка вода и оставете така да отстои. Така ќе избегнете гребење на садот.

2. Ако тенџерето ви потемни или загори, ставете топла вода, еден цеден лимон или неколку лажички сол, оцет и лушпи од јајце. Ако ви загори џем или шеќер, потопете го тенџерето во млака вода, ставете активен јаглен и со мека крпа отстранете ги остатоците.

3. За тефлонски садови, потопете ги во раствор на оцет и вода, 1:2, оставете да отстојат половина час и со мека крпа отстранете ги остатоците. На потемнетите места протријте со половина лимон.

4. Најтврдокорните дамки од водоотпорните стаклени садови се чистат со течен сјај, сода бикарбона, алуминиумска фолија и четка за заби. Потопете ја четката во сјај и сода, нанесете на дамките и оставете да отстои 20-тина минути. Тријте со алуминумска фолија.

5. За да убаво ги исчистите тавите за печење, загрејте ја рерната на 180 степени. Две лажички сода бикарбона промешајте во 1 литар топла вода, истурете во плехот и оставете ги во рерната 20 минути.

Кога водата ќе се олади, дамките лесно се чистат со сунѓерче.

Прочитајте и: 10 причини зошто алуминиумската фолија ви е најдобриот пријател во кујната

Е. П. | Црнобело