16 совети и трикови со кои ќе ѝ го продолжите животот на вашата облека

Дали сте забележале дека вашата облека изгледа „износено“ и „истрошено“ после само неколку носења? Тогаш веројатно правите неколку грешки при нејзиното чување и перење.

За некои парчиња облека не е доволно само да ги исперете кога ќе бидат валкани, туку треба да обрнете внимание на повеќе работи. На пример, фармерките треба да ги перете превртени наопаку, а чантите треба да ги чувате полни со хартија или нешто слично.

Во продолжение погледнете 16 совети со кои ќе ѝ го продолжите животот на вашата облека:

1. Пред да ја ставите облеката во машина за перење, закопчајте ги сите патенти и копчиња. Откопчаните патенти можат да ги уништат другите парчиња облека во пералната, а бидејќи копчињата „се држат“ на само неколку конци, ако ги оставите откопчани, поголема е веројатноста да се скинат.

2. Добро би било да ги закопчувате и градниците – и неговите нитни можат да ја оштетат другата облека во пералната, особено ако е од деликатен материјал.

3. Многу луѓе ја перат облеката на пониска температура бидејќи им е страв дека ќе се смали. Но, некои парчиња морате да ги исперете на повисока температура ако сакате навистина да бидат чисти. За да не погрешите, секогаш перете ја облеката на температурата што е напишана на етикетата.

4. Ако извалкате парче облека со нешто што остава дамки, немојте само да го оставите за перење. Најдобро е веднаш да ја отстраните дамката, а потоа веднаш да го исперете во перална.

5. Кога перете маици и облека со принтови, најдобро е да ја превртите наопаку. Со текот на времето, принтовите секако ќе избледат, но со овој начин на перење ќе го забавите тој процес.

6. Колку и да ви е страв дека ќе ја оштетите, секогаш перете ја новата облека пред да ја облечете. Не знаете кој ја пробувал облеката пред вас, ниту каде била складирана, па со перењето ќе избегнете многу потенцијални проблеми со кожата.

7. Кога ги складирате ранците и чантите што нема да ги носите подолг период, најдобро е да ги наполните со топки од хартија или нешто слично. Притоа, немојте да ги чувате на закачалка. На овој начин ќе ја задржат формата, без разлика колку долго не ги носите.

8. Никогаш немојте да ги сушите парчињата од кожа на директна сончева светлина. Кожата е природен материјал и лесно може да се оштети од сонцето.

Уште 8 совети на следната страница...