12 работи во кујната што непотребно ви зафаќаат простор


12 работи во кујната што непотребно ви зафаќаат простор

Прастари шолји кои ви се подарок од бабите, а не ги користите, замастена тава која никогаш не може целосно да се исчисти, празни пластики од сладолед, полупразни ќеси кои прават неред и уште неколку работи во кујната кои непотребно ви зафаќаат место - време е да ги подарите или фрлите. 

12-predmeti-vo-kujnata-shto-nepotrebno-vi-zafakjaat-prostor-1.jpg

Ваквите предмети во кујната не ви се од никаква корист, непотребно зафаќаат простор и ви го отежнуваат чистењето и одржувањето на ред во домот.

Неколку идеи кои од нив е најдобро да ги фрлите (или донирате):

Стари даски за сечење

Ако долго време ја користите истата даска за сечење, таа сигурно е оштетена од ножевите, а веројатно има и понекоја „тврдоглава“ дамка од храна. Но старите даски не само што не изгледаат убаво, туку во вдлабнатините лесно се собираат бактерии и секакви нечистотии, кои не се отстрануваат целосно и можат да завршат во вашата храна.

12-predmeti-vo-kujnata-shto-nepotrebno-vi-zafakjaat-prostor-02.jpg

Пластични кутии од сладолед и други продукти

Ако сте како повеќето, сигурно ги чувате пластичните кутии од сладолед, крем и слично, мислејќи дека ќе ви се најдат. Но запрашајте се колку од нив навистина сте употребиле. Ако сепак складирате храна во овие кутии, тогаш е во ред, но ако само ги трупате и ви зафаќаат простор, зошто да не ги фрлите?

12-predmeti-vo-kujnata-shto-nepotrebno-vi-zafakjaat-prostor-03.jpg

Изгребани и замастени тави

Штом тавата е изгребана, во неа ќе ви загорува скоро секое јадење, па најдобро е да ја замените со нова. Истото важи и за тавите кои се замастени и никако не можете да ги исчистите.

12-predmeti-vo-kujnata-shto-nepotrebno-vi-zafakjaat-prostor-04.jpg

Кеси од продукти што се купуваат на големо

За подобро да ги организирате шкафчињата во кујната, ставајте ги продуктите како леќа, ориз и слично, во тегли. За оваа намена можете да ги искористите и празните кутии за складирање. На овој начин шкафчињата ќе изгледаат посредено, но и ќе имате многу подобра прегледност.

12-predmeti-vo-kujnata-shto-nepotrebno-vi-zafakjaat-prostor-05.jpg

Чадорчиња и слични украси за пијачки и коктели

Можеби некогаш сте правеле забава во домот и сте се опремиле со вакви украси, но веројатно не сте ги употребиле никогаш повеќе. Можеби сметате дека повторно ќе ви притребаат, но најверојатно само ќе ви зафаќаат место во кујната. Па, не двоумете се дали да се ослободите од нив. Кога ќе дојде време за забави, ќе се подновите.

12-predmeti-vo-kujnata-shto-nepotrebno-vi-zafakjaat-prostor-06.jpg

Плетени корпички кои никогаш не сте ги искористиле

Во речиси секој дом има по неколку вакви корпи и можеби некогаш биле хит, но денес се застарени и сигурно само собираат прашина. Штом не ги користите, нема потреба ни да ги чувате.

12-predmeti-vo-kujnata-shto-nepotrebno-vi-zafakjaat-prostor-07.jpg

Продолжува на следната страница...



Би можело да ве интересира:

Едноставен трик што ќе ѝ ја врати бојата на вашата црна облека Тајната, верувале или не, се крие во вашата кујна и чини навистина малку. Обидет...
Трик за чистење со кој белите патики ќе изгледаат како нови Без разлика каков модел се и во кој стил спаѓаат, едно е сигурно – важно е патик...
Корисни совети: Како да ги перете патиките во машина, без да ги оштетите? Во сезоната кога најмногу се носат бели и светли летни патики, сè што ви е потре...

Најчитани неделава

sonovnik-sidebar.jpg