Домаќински трикови за брзо и ефикасно чистење на прозорците

Чистењето на прозорците е една од поздодевните обврски во домот, но речиси никогаш не можете да ја прескокнете.

domakjinski-trikovi-za-brzo-i-efikasno-chistenje-na-prozorcite01.jpg

Па затоа, претпоставуваме ве интересира како можете да си го олесните чистењето на прозорците и да го направите поефикасно.

Во продолжение следат неколку совети и трикови кои ќе ви ја олеснат оваа домашна обврска:

Домашно средство за чистење

Ако не сакате да користите продукти полни со хемикалии, можете и сами да си направите средство за чистење прозорци. Во шише со распрскувач измешајте половина литар вода со 60-тина милилитри оцет, а можете да додадете и малку лимонов сок за подобар мирис. Потоа исчистете ги прозорците како вообичаено.

domakjinski-trikovi-za-brzo-i-efikasno-chistenje-na-prozorcite-02.jpg

Чистете ги прозорците кога е облачно

Сигурно и самите сте забележале дека ако ги чистите прозорците кога има многу сонце, на нив остануваат траги од средството. Сонцето брзо го суши средството, и поради ова остануваат траги на стаклото. Затоа, најдобро е да ги бришете прозорците кога е облачно.

domakjinski-trikovi-za-brzo-i-efikasno-chistenje-na-prozorcite-03.jpg

Чистење со весник

Можеби веќе го знаете овој трик од вашите баби – наместо крпа, исчистете ги прозорците со некој дневен весник. Хартијата од весникот нема да направи гребаници на прозорецот, дури и ако триете посилно, а истовремено нема да остави траги од средството. Сепак, за да бидете сигурни, пробајте прво на помал дел.

domakjinski-trikovi-za-brzo-i-efikasno-chistenje-na-prozorcite-04.jpg

Користете сунѓер со поголеми дупки

Ако треба да чистите многу валкани прозорци, најдобро е да користите сунѓер со големи дупки, а не од оние грубите за садови, и многу вода.

domakjinski-trikovi-za-brzo-i-efikasno-chistenje-na-prozorcite-05.jpg

Насока на бришење

Некогаш се случува откако ќе го исчистите прозорецот на него да останат траги. За полесно да воочите од која страна се трагите, чистете ја внатрешноста со хоризонтално движење, а надворешноста со вертикално. Или обратно.

На крај, во зависност од тоа дали останатата трага е хоризонтална или вертикална, ќе знаете од која страна се наоѓа.

domakjinski-trikovi-za-brzo-i-efikasno-chistenje-na-prozorcite-06.jpg

Користете микрофибер крпа

Ако не сакате да употребувате весник, микрофибер крпите се можеби најдобри за чистење прозорци. Добро впиваат, не оставаат траги и ќе можете да ги користите повеќепати.

domakjinski-trikovi-za-brzo-i-efikasno-chistenje-na-prozorcite-07.jpg

Купете чистач за стакло

За големите прозорци во домот, наједноставно е да користите чистач за стакло. Овие направи се евтини и ќе ви помогнат многу побрзо и поефикасно да ги исчистите големите прозорци.

domakjinski-trikovi-za-brzo-i-efikasno-chistenje-na-prozorcite-08.jpg

Спирова С. | Црнобело

Би можело да ве интересира:

Кујнски ножеви и уште 7 работи за кои вреди да потрошите повеќе пари Ако го користите лаптопот само за забава, можете да поминете и со поевтин модел....
Збир од трикови за кои ќе си помислите: „како не сум се сетил/а на ова?“ Само една фотка има моќ да ви го олесни животот и тоа ќе ви се потврди во продол...
10 работи кои се виновни за хаосот во вашата кујна (и време е да ги фрлите) Стари кујнски апарати што ги немате вклучено со години, празни запалки, безброј ...

Најчитани неделава

sonovnik-sidebar.jpg