5 работи од вашата кујна кои е најдобро да ги фрлите

Ако одамна не сте направиле генералка во кујната, сигурно имате многу работи што воопшто не ви требаат. Или, кога сепак темелно ја чистите, се убедувате да ги зачувате сите работи во случај да ви притребаат.

6-raboti-od-vashata-kujna-koi-e-najdobro-da-gi-frlite-01.jpg

Голема е веројатноста да имате и некои работи кои не се соодветни за во кујна и можат да ви предизвикаат проблеми.

Сето ова се нешта од кои е најдобро да се ослободите.

Погледнете за кои станува збор:

Безброј тегли со зачини

Одговорете искрено – колку од зачините што ги чувате во кујната навистина ги користите?

Без разлика колку се убедувате дека некогаш ќе ви притребаат сите зачини, штом досега не сте ги користеле, веројатно нема ни да помислите на нив во блиска иднина.

Затоа, наместо да ви собираат прашина и да ви зафаќаат место, фрлете ги теглите со зачините кои не сте ги употребиле долго време.

6-raboti-od-vashata-kujna-koi-e-najdobro-da-gi-frlite-03.JPG

Завеси

Во кујната често има испарувања од готвењето поради што завесите од ткаенина се валкаат многу брзо. Ако завесите се во близина на шпоретот, на нив сигурно има и дамки од масло и храна.

За да си заштедите време на перење, заменете ги завесите со ролетни/венецијанери или нешто слично, лесно за одржување.

6-raboti-od-vashata-kujna-koi-e-najdobro-da-gi-frlite-04.JPG

Пластични лажици за готвење

Бидејќи готвењето се одвива на високи температури, не е препорачливо да користите пластични лажици кои можат да се стопат.

Можеби лажицата нема целосно да се растопи, но поради високата температура голема е веројатноста во јадењето да заврши некоја честичка од неа, која потоа ќе влезе во вашето тело.

6-raboti-od-vashata-kujna-koi-e-najdobro-da-gi-frlite-05.JPG

Средства за чистење

Можеби сакате средството за шпорети и рерни да ви биде при рака, но не е паметно да ги чувате во кујна.

Овие средства иако ефикасни, сепак се полни со отровни материи кои не би требало да стојат во просторијата каде што приготвувате храна.

6-raboti-od-vashata-kujna-koi-e-najdobro-da-gi-frlite-06.JPG

Алуминиумска фолија

Алуминиумската фолија е генерално безбедна, но ако постојано готвите со неа, можете да го зголемите нивото на алуминиум во организмот.

Наводно, за повеќето луѓе ова не би требало да претставува проблем, но ако сепак сте загрижени, најдете соодветна замена.

6-raboti-od-vashata-kujna-koi-e-najdobro-da-gi-frlite-07.JPG

Спирова С. | Црнобело

Би можело да ве интересира:

Кујнски ножеви и уште 7 работи за кои вреди да потрошите повеќе пари Ако го користите лаптопот само за забава, можете да поминете и со поевтин модел....
Предмети во домот што може (и треба) да ги замените со поеколошки варијанти Наместо пластични, купете неколку метални сламки кои ќе можете да ги користите с...
Збир од трикови за кои ќе си помислите: „како не сум се сетил/а на ова?“ Само една фотка има моќ да ви го олесни животот и тоа ќе ви се потврди во продол...

Најчитани неделава

sonovnik-sidebar.jpg