Облека со тантела, градници со корпа – Работи кои не треба да ги перете во машина

Облека со влакна од миленици

Влакната од облеката речиси сигурно ќе завршат во машината, па постои опасност да го затнат одводот.

Затоа, прво отстранете ги влакната, па потоа ставете ја облеката во машина.

Перници од „мемори пена“

Материјалот од којшто се изработени овие перници може да се уништи од машинското перење.

Освен ако на инструкциите за перење не е наведено дека е безбедно да ја ставите перницата во машина, избегнувајте да го правите тоа.

Овие перници доволно е да ги перете еднаш-двапати годишно, така што ќе ги накиснете во вода со прашок и омекнувач. Потоа добро исплакнете ги и оставете ги да се исушат.

Облека извалкана со запаливи материјали

Ако ви се истури бензин или каква било запалива материја на облеката, немојте да ја ставате во машина бидејќи постои ризик да направите пожар.

Најпрво ставете ја облеката на место со провев барем 24 часа. Оставете ја и подолго ако го чувствувате мирисот на бензин или течноста со којашто сте ја извалкале.

Потоа накиснете ја во жешка вода (највисоката температура што е безбедна за тоа парче облека), па добро истријте ја со прашок.

Немојте никако да ја сушите облеката во машина за сушење – во случај да не сте ја отстраниле целосно запаливата материја, можете да предизвикате пожар.

Ако по перењето на рака повеќе не го чувствувате мирисот на материјата, следното перење е безбедно да ја ставите облеката во машина.

Килимчиња со гума

Ако килимчето има гума на долниот дел или по рабовите, немојте да го перете во машина бидејќи гумата може да се одлепи.

Ако на инструкциите за перење е наведено дека е безбедно да го перете килимчето во машина, тогаш е во ред, само исперете го на ниска температура.

Имајте на ум дека и овие килимчиња не треба да ги сушите во машина за сушење – високите температури можат да ја оштетат, па дури и да ја стопат гумата.

Вратоврски

Бидејќи вратоврските обично се направени од материјал како свила или волна, перењето во машина може да ги смали или да им ја промени бојата.

Наједноставно е да ги однесете вратоврските на хемиско чистење.

Спирова С. | Црнобело