Дамки од трева, боички на ѕидот – како најлесно да го исчистите детскиот неред?

Сосот од домати кој завршил на облеката можете лесно да го отстраните со пена за бричење.

Дечињата можат да бидат несмасни и секој родител знае дека додека да пораснат, во домот ќе има многу незгоди како истурен сок или боички на ѕидот.

Добрите вести се дека повеќето вакви нереди можете лесно да ги исчистите ако знаете кои продукти треба да ги користите.

Како да го исчистите детскиот неред најлесно?

Боички на ѕидот

На памук ставете етерично масло од лимон и нежно истријте ги дамките од ѕидот. Маслото од лимон ќе ги отстрани боичките без да ја оштети бојата на ѕидот.

Неред од светки и конфети

Лесно ќе ги соберете ситните конфети од подот со широк селотејп.

Тесто залепено на тепихот

Најлесно ќе го отстраните тестото од тепихот ако го оставите целосно да се исуши – можат да бидат потребни и ден-два. Кога ќе се стврдне, можете да го искршите и да го соберете со правосмукалка.

Боја на облеката

На дамката од боја ставете малку алкохол и оставете да отстои неколку минути. Потоа нежно истријте ја бојата со четка за заби, па исперете ја облеката како вообичаено.

Сок на тепихот

За најефикасно да го отстраните сокот, треба да го исчистите што е можно побрзо. Најпрво впијте ја течноста со хартиени бришачи за раце, а потоа истријте го со крпа натопена во жешка вода.

Дами на кадифени играчки

Лесно ќе ги отстраните тврдокорните дамки од кадифените играчки со сода бикарбона – нанесете ја на чета за заби и истријте.

Нa крај само исперете ги играчките.

Доматен сос на облека

Нанесе пена за бричење на дамката, оставете да делува неколку минути, па исплакнете со вода.

На крај исперете ја облеката како вообичаено.

Дамки од трева на облека

За најефикасно да ги отстраните дамките од трева, препорачливо е да ги исчистите што е можно побрзо.

Измешајте исто количество вода и бел оцет и со четка истријте ги дамките. Потоа исперете ја облеката како вообичаено.

Спирова С. | Црнобело