Ефикасни домаќински трикови од нашите баби што ќе ви заштедат време и пари

Многу полесно ќе ги исчистите прозорците ако користите средство и весник, наместо крпа - дали вие користите некој домаќински трик од вашата баба?

Нашите баби ги немале бројните продукти за сè и сешто што ни се достапни денес. Па, морале да се снаоѓаат како знаат и умеат со она што им било достапно.

А, дел од триковите што ги користеле се толку ефикасни, што можат да ни се најдат и денес.

Неколку ефикасни трикови од нашите баби:

Избелување облека со лимонов сок

Лимонот може да биде одлична замена за избелувач ако сакате да отстраните дамки од облеката.

Препорачливо е да го користите овој трик само за бела облека, како и само за облека направена од памук или полиестер.

Лимонот може да ги оштети другите материјали и да ја избледи бојата на облеката.

За да отстраните дамка, измешајте 4 литри жешка вода со сок од еден лимон и ставете ја облеката во смесата околу два часа. Потоа исперете ја како вообичаено.

Можете и да ставите лимонов сок директно на дамката - оставете да отстои 1-2 часа па исперете ја.

Оцет за чистење на тоалетната школка

Наместо средство за чистење, во школката ставете оцет и оставете го да отстои цела вечер.

Следниот ден ставете и малку сода бикарбона, па истријте ја школката.

Мешавината од оцет и сода бикарбона може да ги отстрани нечистотиите, да ги уништи бактериите и да ги отстрани непријатните мириси.

Исчистете ја микробрановата печка со пареа

Лесно можете да ја исчистете микробрановата печка само со пареа.

Во микробрановата печка ставете сад во вода и вклучете ја печката околу пет минути.

Потоа само избришете ја внатрешноста со крпа.

Чистење прозорци со весник

Наместо крпа, можете да ги исчистите прозорците со средство и весник.

За разлика од крпата, весникот нема да остави мали влакненца на стаклото. Покрај тоа, доволно е груб за да ги отстрани дамките без да го изгребе прозорецот.

Пресечете го сунѓерот за садови на две

Со овој трик еден сунѓер ќе ви трае многу подолго, а и полесно ќе ги миете садовите со мал отвор.

Брашно за отстранување масло

Ако ви капне масло на ткаенина, веднаш покријте ја дамката со брашно и оставете да отстои околу еден час.

Доколку треба, повторете ја постапката. Брашното ќе го впие маслото и ќе го отстрани речиси целосно.

Секако, ова не функционира баш во секој случај, но вреди да се проба. 

Екстракт од ванила наместо освежувач за воздух

Екстрактот од ванила можете да го користите наместо освежувач за воздух.

Накиснете мало топче памук со екстракт од ванила и ставете го каде било.

Поради силниот мирис, целиот дом ќе ви мириса на ванила.

Спирова С. | Црнобело