Сон за љубителите на минимализмот (фото)

Детали

недела, 22 ноември 2015

Сместен во Далкит, Австралија овој дом е дело на архитектонското студио Hillam Architects и се протега на површина од 1.500 метри квадратни.

Проектот претставува преработка на веќе изградена куќа од тули од 1980-тите години, искористувајќи го потенцијалот на старата градба и надополнувајќи го со серија драматични промени и дополнувања.

Целокупниот простор доживува една целосна трансформација која овозможува изработка на елементи како пристапна патека, порта и гостински дел кој е на некој начин одвоен од делот за домаќините, додека големата градина во задниот дел е искористена за поставување на базен со покриен дел кој би можел да се користи како место за освежување со пијалак или забава покрај базенот.

Кујната и дневниот престој се поврзани и отворени кон базенот што дава чувство на пространост и отвореност.

Спалните соби се сместени на вториот кат, каде доминира главната спална соба со голем балкон и поглед кон базенот со што се доловува чувство на смиреност.

Низ целата куќа доминираат белата и сивата боја, а како нивни контраст искористен е природен материјали односно дрво.

• 
• 
• 
• 
• 
• 
• 
• 
• 
• 
• 
•  

М. С. | Црнобело