Предлог идеја: Мал удобен стан за семејство со едно дете (фото)

Детали

понеделник, 08 февруари 2016

Комфорот кој овој стан го нуди е ставен во преден план во поглед на организацијата на целокупниот простор со кој тој располага.

Дневниот престој и трпезаријата се сместени во една просторија со тоа што самата поставеност на трпезариската маса до големиот прозорец овозможува значително навлегување на светлина, a собата дополнително визуелно се зголемува.

Кујната е одделена од дневниот простор со помош на лизгачка стаклена врата со што се овозможува физичка раздвоеност, но сепак стаклото на вратата на некој начин ја анулира таквата одвоеност. Покрај стандардните елементи таа вклучува и мала шанк масичка каде може да се појадува без да се прави неред во дневната соба.

Спалната е голема и функционална, со помошна тераса и вграден гардеробер. Одбрани се неутрални тонови кои нудат чувство на релаксација кое е толку потребно после напорен работен ден.

Посебен акцент е ставен врз собата на најмладиот член на семејството, која претставува вистинско детско царство во кое би сакало да престојува секое дете.

Со заградувањето на терасата добиени се два физички поврзани дела од кој првиот е посветен на времето за игра, а вториот на времето за учење.

• 
• 
• 
• 
• 
• 
• 
• 
• 
• 
• 
• 
• 
• 
•  

М. С. | Црнобело