На гости кај Менче Русеска: Дом во Скопје уреден со модерен скандинавски шмек и многу љубов (фото)

Детали

сабота, 22 август 2020

„Основните тонови кои ги употребив се белата и сивата, а на нив ги надоврзував дрвените детали. Тиркизната боја ја вметнав за разигрување на просторот“, вели Менче за уредувањето на својот дом.

Менче Русеска има 30 години и е дипломиран правник. Таа дел од слободното време го исполнува со изнаоѓање и реализирање идеи за уредување на својот дом.

За уредувањето на својот дом Менче за CRNOBELO.com открива:

„Љубовта кон убаво уредените ентериери и екстериери од секогаш ме привлекувале и исполнувале. Со отпочнувањето на брачниот живот во нов дом започнува и новото поглавје со уредување на катчиња низ кои се проткаени нашите лични печати и спомени.

Кога започнав со уредувањето, ги разгледував модерните индустриски и скандинавски стилови, инспирирајќи се од Pinterest и Instagram профили посветени на уредување на домашниот простор.

Модерниот скандинавски стил е оној кој ме освои и за кој се одлучив, бидејќи преку него се истакнуваат смиреноста, топлината и практичноста.

Основните тонови кои ги употребив се белата и сивата, а на нив ги надоврзував дрвените детали. Тиркизната боја ја вметнав за разигрување на просторот и вметнување живост, а тие се забележливи низ завесите, теписите, перниците...

На овој начин, во иднина преку нивна замена со некоја друга боја, ќе се добие целосно нов идентитет на дневниот престој.

Она што го научив низ овој процес е дека деталите и декорациите го даваат шармот, а со многу мали измени и преместувања се добиваат одлични промени. Сакам да ги менувам и разигрувам, а не ретко во секој шопинг да ја искористам можноста да докупам нови ситници, кои знаат да ми го направат денот.

Продолжува на следната страна...