На гости кај Јулинда и Рилинд: Стилски стан во Скопје со кујна со отворени полици (фото)

„Островот е централниот момент на нашата кујна и дом и иако просторот не ни дозволуваше за поголеми димензии на овој елемент, сепак си направивме доволно простор за нашето утринско кафе да го испиеме во овој дел од станот и потоа секој да си продолжи со своите дневни обврски“, споделува Јулинда Гега Хоџа (30), архитект/дизајнер, за CRNOBELO.com за станот во кој живее со сопругот и двете дечиња.

na-gosti-kaj-julinda-i-rilind-stilski-stan-vo-skopje-so-kujna-so-otvoreni-polici-foto-01.jpg

Јулинда Гега Хоџа (30), магистер по архитектура и дизајн живее со сопругот Рилинд, фотограф и ко-основач на маркетинг агенција, и нивните две деца, постариот син Крон (3) и Приам, кој има 5 месеци, во стан во Скопје.

Вели дека овој стан пред 4 години бил почетокот на нивниот заеднички живот и затоа сакале да го уредат според својот вкус и потреби.

За уредувањето на нивниот дом Јулинда открива за CRNOBELO.com:

„Кога еден архитект/дизајнер треба да работи односно проектира и дизајнира за себе може да кажам дека е најтешката задача. Вие самите сте и клиент и дизајнер.

Во тој случај секогаш постои недостаток на втор пар очи.

na-gosti-kaj-julinda-i-rilind-stilski-stan-vo-skopje-so-kujna-so-otvoreni-polici-foto-02.jpg

Иако во мојот, односно нашиот случај многу детали од станот се направени во консултација со сопругот, Рилинд, кој иако не е архитект твори во креативната област преку неговото око како фотограф и ко-основач на маркетинг агенција.

na-gosti-kaj-julinda-i-rilind-stilski-stan-vo-skopje-so-kujna-so-otvoreni-polici-foto-10.jpg

Првата година си бевме сами, сè уште немавме деца, и станот си стоеше во една „уредна слика“ цело време.

Откако се благословивме со нашите две деца, ентериерот доби нови колорити, елементи и станот си ја обнови душата.

na-gosti-kaj-julinda-i-rilind-stilski-stan-vo-skopje-so-kujna-so-otvoreni-polici-foto-03.jpg

Целокупната идеја беше да се креира удобен дом, топла атмосфера и функционалност на просторот.

na-gosti-kaj-julinda-i-rilind-stilski-stan-vo-skopje-so-kujna-so-otvoreni-polici-foto-04.jpg

Станот се состои од дневниот дел, кој е споен со трпезаријата и кујната. Овој концепт спаѓа во прилично новите идеи на ентериерите, каде се прави спој на функциите во едно место, со што се овозможува слободна интеракција на корисниците кон сите простории во секое време.

Ентериерот стреми кон современата и модерната архитектура, со користење на клучниот материјал, дрвото.

na-gosti-kaj-julinda-i-rilind-stilski-stan-vo-skopje-so-kujna-so-otvoreni-polici-foto-12.jpg

Дрвото како материјал е издржлив и тоа го прави да биде долготраен избор, лесно се одржува и користи, а пак секое парче дрво има уникатен свој изглед.

Додадени се и топлите и пастелните тонови врз една логична, функционална основа.

na-gosti-kaj-julinda-i-rilind-stilski-stan-vo-skopje-so-kujna-so-otvoreni-polici-foto-06.jpg

Освен потребните елементи  и столарија, кои се неопходни за секојдневниот живот, во нашиот стан има декоративни елементи, кои ја формираат целата слика на дизајнот, а исто така нè претставуваат и нас и нашиот живот.

Кујната, како центарот на домот, е спој на нашите модерни идеи и размислувања. Секако, во денешно време асортиманот на материјали е толку голем и можам да кажам возбудлив со што се овозможуваат разни финиши на сите површини.

na-gosti-kaj-julinda-i-rilind-stilski-stan-vo-skopje-so-kujna-so-otvoreni-polici-foto-16.jpg

Продолжува на следната страна...



Би можело да ве интересира:

На гости кај Јасмина и Дејан: Стан од 70m2 во Скопје со темни тонови и совршен поглед (фото) „Пред 5 години кога го уредувавме празниот стан, се водевме по водечките трендов...
На гости кај Надица: Светол стан во Скопје со шарени плочки во кујната и впечатливи парчиња мебел (ф... „Станот го уредувавме заедно со сопругот, кој по професија е архитект. Најколори...
На гости кај Силвана: Стан од 72m2 во Скопје со библиотека и тиркизна гарнитура (фото) „Идејата за уредувањето на станот, како и боите ги договаравме заедно ...
На гости кај Анастасија: Стан од 90m2 во скопската населба Карпош 4 со многу дрво и топли тонови (фо... „Омилени детали ми се автентичниот ретро аналоген аудио систем сместен на интере...
На гости кај Игор Митровиќ: Модерен стан од 65m2 во Аеродром со лед осветлување во сите простории (ф... „Зградата во која живеам е нова, пред нецела година се пушти во употре...
На гости кај Мартина: Семејна куќа во Виница со природен камен и двор со многу дрвја (фото) „Во куќата направивме многу промени, не само во дизајнот на ентериер, туку и сит...

Најчитани неделава

sonovnik-sidebar.jpg