Ситници кои му даваат луксузен изглед на домот (а чинат малку пари)

Предмети со тркалезна форма, декоративно огледало и различни текстури – како да му дадете луксузен изглед на домот, без да потрошите цело богатство? 

За да го освежите изгледот на домот не мора да реновирате. Доволно е да замените некои ситници кои не чинат многу, а ќе направат просторот да изгледа полуксузно.

Дел од нив во продолжение:

Уметнички дела на ѕидовите

Ретки се оние кои можат да си купат оригинални уметнички дела, но денес можете да најдете навистина евтини принтови од познати дела. Можете да поддржите и некој локален артист кој пробува да се пробие.

Ако сте талентирани, врамете и некое ваше дело.

Најдобро е уметничките дела да ги закачите на само еден ѕид, кој ќе биде како ваша мала приватна галерија.

Декоративно огледало

Огледалата со уникатни и впечатливи рамки можат да бидат одлична декорација.

Покрај тоа, прават просторијата да изгледа пошироко.

Предмети со текстура

Разните текстури додаваат слоеви во просторот и со тоа прават да изгледа полуксузно.

На пример, многу подобро изгледа саксијата обложена со ратан, отколку обична пластична саксија.

Или, наместо обично ќебе, како декорација во спалната ставете ќебенце од лажно крзно.

Пријатен мирис

Мирисот во домот има навистина огромно влијание.

Ставете низ домот мирисливи свеќи и дифузери и веднаш ќе ја забележите разликата.

Продолжува на следната страница...