Како да го декорирате балконот во италијански стил со само 4 детали?

Столчиња од ковано железо и растенија како лаванда – доволно е да промените само неколку ситници на балконот за да му дадете италијански шарм.

Покрај вкусната храна, за многумина Италија е асоцијација за улички со калдрми и симпатични балкони од кои ѕирка шарено цвеќе.

Ако ви се допаѓа овој стил, можете да си го претворите вашиот балкон во „мала Италија“ со само неколку ситници.

Четири детали кои ќе ви помогнат да го внесете шармот на Италија на балконот:

Медитерански растенија

Кога станува збор за растенија и цвеќе, важно е да изберете нешто што би го сретнале во Италија, односно што вирее таму.

Овде спаѓаат растенија како лаванда, рузмарин, олеандер…

Италијанците ги обожаваат свежите зачини, па ако имате простор засадете и босилек или нане кои ќе можете да ги користите и во кујна.

Декорации со риги

За вистински да го доловите италијанскиот шарм, додајте елементи со бели риги како перничиња.

Сличен ефект ќе постигнете и само ако ставите завеса со риги.

Давајте им предност на комбинациите со бела и впечатлива боја, како црвена или жолта.

Сијалички

Наместо една ламба, украсете го балконот со мали сијалички на жица кои создаваат навистина пријатна атмосфера.

Мебел од ковано железо

Ако планирате да купите нов мебел за балконот, тогаш изберете столчиња и маси од ковано железо.

Спирова С. | Црнобело