10 трикови како да направите домот да изгледа помодерно (и полуксузно)

Расчистете го нередот од полиците, а старите шарени перничиња од баба, заменете ги со нови, еднобојни. Како да направите домот да ви изгледа помодерно?

Кога ги гледаме фотографиите во списанијата за уредување на домовите, сите барем на миг посакуваме да можевме да имаме волшебно стапче и во еден миг да го преуредиме домот за да изгледа совршено.

Понекогаш, проблемот не мора да биде во тоа што го имаме дома, туку во тоа како сме го распоредиле. Расфрланите предмети на отворените простори, неправилно распоредениот мебел и тешките завеси може да направат домот повеќе да ни наликува на склад, отколку на современо уреден простор за живеење.

Кои 12 трикови може да ви помогнат веднаш да внесете свежина во домот и да направите да изгледа помодерно и полуксузно?

Расчистете го вишокот предмети од отворените полици

Отворените полици се одлични за книги и други мали декорации. Но, тоа не е простор за сè друго што би можело некогаш да ви притреба.

Расчистете сè што не треба да биде на отворените полици и распоредете ги предметите, така што ќе оставите простор меѓу нив.

Стари книги

Можеби читате многу, но нема потреба тоа да го рекламирате на сите што ќе влезат во вашиот дом.

Дополнително, сите стари и оштетени книги може само да почнат да собираат прашина и да шират неубав мирис во домот, па затоа е добро да ги соберете на некое друго место.

За да изгледаат поелегантно, најдобро е книгите да ги распоредите во неколку купчиња и да ги разделите со декоративни предмети.

Декоративни перници

Тие може да бидат одлични ако се распоредени убаво на мебелот.

Најдобро е да имате 2-3 перници кои се распоредени на двете страни од софата или троседот.

Пренатрупаниот мебел со декоративни перници изгледа неудобно и чудно.

Не го лепете мебелот до ѕидовите

Не нема да добиете повеќе простор ако го залепите целиот мебел до ѕидовите. Подобро е да оставите простор за движење помеѓу нив.

Во кујната подобро би стоело доколку масата е на средина, а не залепена во аголот од собата.

Врамени фотографии и слики

Убаво е да имате фотографии и уметнички слики на ѕидовите, но кога се во преголем број и неорганизирани, целиот простор ќе изгледа хаотично.

Затоа најдобро е да се држите до правилото, сите фотографии и слики во собата да бидат распоредени на едно место.

Ако имате доволно светлина во домот, може да се одлучите и за црно-бели фотографии или слики.

Продолжува на следната страница...