4 грешки што ги прават сите кога ја реновираат бањата, според дизајнери

Штедите на туш кабината и купувате многу мала и ставате впечатливи плочки само затоа што се во тренд.

Реновирањето на бањата е голем подвиг и релативно скап процес кој не се прави често.

Затоа, мора внимателно да го испланирате секој детаљ.

Ако направите грешка, ќе треба да живеете со неа неколку години или да потрошите мало богатство за да ја коригирате.

Кои се најчестите грешки при реновирање бања, според дизајнери?

Штедите на туш кабината

Во овој случај, грешката се однесува на големината.

Секогаш ќе ви треба повеќе простор за туширање отколку што мислите, па немојте да ја купувате најмалата туш-кабина.

Не мора да потрошите ни цело богатство, но важно е да имате доволно место да се свртите.

Ставате плочки со впечатлива боја, дезен и слично

Точно е дека на Инстаграм и Pinterest бањите со впечатливи плочки изгледаат навистина убаво.

Но, ако нешто е во тренд, за година-две може да биде демоде. А, менувањето на плочките во бањата не е воопшто евтино.

Затоа подобро е да ставите понеутрални плочки, кои сте сигурни дека нема да излезат од мода.

Притоа, кога плочките се понеутрални, дури и да сакате да ја реновирате бањата во друг стил, нив нема да мора да ги менувате.

Ја отстранувате кадата

Ако во бањата имате када, а не ви треба повеќе простор, дизајнерите препорачуваат да не ја отстранувате бидејќи сигурно ќе зажалите.

Точно е дека туш кабините се практични и зафаќаат помалку простор, но и кадата има свои придобивки.

На пример, ако имате мали деца, многу е полесно да ги избањате во када. Кадата ќе ви се најде и кога треба да измиете нешто големо, па и да исперете нешто што не го собира во машината.

Секако, овде се и релаксирачките купки.

Па, освен ако не ви треба повеќе простор, оставете ја кадата.

Не земате предвид колку простор за складирање ќе ви треба

Добро размислете што сè ќе чувате во бањата и колку простор за складирање ќе ви треба.

И, секогаш оставајте и дополнителен простор, за нешто што не сте го испланирале.

Важно е во бањата да има доволно шкафчиња, особено ако ја користите повеќе луѓе.

Спирова С. | Црнобело