Кујна во која доминира црна боја - како да изгледа раскошно и да не го затвори просторот?

Ако сакате црна кујна, треба да обрнете внимание на некои детали, како светлото, но и големината на просторот.

Ако го уредувате новиот дом или реновирате, а сакате доза луксуз и елеганција, нема да погрешите со кујна во која доминира црната боја.

Црната боја лесно се комбинира со други нијанси, а ако е поврзана со дневната, може да биде како уникатен акцент на целиот простор.

Сепак, треба да бидете внимателни во декорирањето бидејќи црната боја го „затвора“ просторот.

Неколку совети доколку сакате во кујната да ви доминира црната боја:

Обрнете внимание на стилот на кујната

Ако сакате нешто покласично и винтиџ, црната боја е одличен избор бидејќи ќе го направи просторот полуксузен.

И минималистичкиот стил е добар за кујна во која доминира црната боја.

Арт деко стилот, инспириран од 1920-тите и 1930-тите, исто така одлично се вклопува со црна боја.

Земете ја предвид големината на кујната

Ако треба да работите со помал простор, тогаш немојте да ја правите целата кујна црна.

Односно, можете да ги офарбате само ѕидовите црни. Или, доколку елементите се со црна боја, тогаш ѕидовите нека бидат со друга.

Ако имате голема кујна, тогаш можете да експериментирате и со поголема доминација на црната, но само осигурете се дека ќе додадете детали и украси во други бои кои ќе го освежат просторот.

Со кои бои е најдобро да правите комбинации?

Црната е одлична во комбинација со металик бои или нијанси на златна, бакар и сребро.

За повпечатлив изглед, добро изгледа во комбинација со бои кои ќе создадат контраст, како темносина, смарагдно зелена, темноцрвена…

Ако црната ви делува премногу нападно, можете да ја „омекнете“ просторијата со кафеави нијанси на подот, трпезариската маса или работната маса.

Внимателно изберете го светлото

Кога доминира црната боја, не е препорачливо да ставите силна светилка на таванот.

Наместо тоа, подобро е да акцентирате неколку делови од кујната – на пример, светилки над работната маса, шанкот, мијалникот...

Неколку фотки за инспирација:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело