Трендови за уредување кои треба да ги прескокнете во 2025-та, според дизајнери на ентериер

Декоративните лајсни се многу поскапи, а не се вклопуваат во дом со модерен ентериер. Па, освен ако веќе ги немате во домот, најдобро прескокнете ги.

Само затоа што нешто е тренди, не значи и дека е добро или практично.

А, особено е важно да го имате ова предвид кога станува збор за уредувањето на домот.

Обично промените што ги правиме во домот се подолготрајни, па треба да бидат и практични.

Дизајнери на ентериер споделуваат кои трендови за уредување треба да ги прескокнете во 2025-та:

Евтини декоративни перници

Декоративните перници се одличен начин да го освежите просторот, но дизајнерите советуваат да ги избегнувате многу евтините модели.

Причината е материјалот од којшто се изработени – евтините перници обично се направени од полиестер и брзо ги губат бојата и формата.

Подобро е да купите малку поскапи перници полни со памук или сунѓер, и за нив да купите разни (поевтини) навлаки.

На овој начин, перниците ќе ви траат многу подолго, а навлаките ќе можете да ги менувате по потреба.

Ќебиња како декорација во дневната

Можеби на фотките изгледаат добро, но ако ставите ќебе врз гарнитурата, ќе делува расфрлано.

Ако сакате да ја покриете гарнитурата, купете соодветни прекривки или навлаки, а ќебето здиплете го на еден крај.

Декоративни лајсни

Во домови со потрадиционален ентериер, декоративните лајсни можат да делуваат убаво.

Но, не се вклопуваат најдобро во модерен ентериер.

Покрај тоа, можат да бидат многу поскапи за инсталирање ако ставате нови.

Па, дизајнерите советуваат дека е најдобро да ги прескокнете, освен ако веќе не ги имате во домот.

Темни бои на ѕидовите

Во овој случај, проблем е практичноста. Темните ѕидови изгледаат навистина добро, но бараат повеќе одржување бидејќи на нив се познава прашина.

Истовремено, ако собата е мала, темниот ѕид може да ја направи уште помала.

Ако сепак сакате темна боја, подобро ставете ја насамо еден ѕид. Или, пак, купете темна гарнитура и мебел со потемни нијанси.

Продолжува на следната страница...