Совети за топол дом и ниски сметки за греење

Еден од главните проблеми на зимата е топлиот дом, без превисоки сметки за струја и греење.

Од финансиски причини веројатно штедите максимално, но тоа можете да го направите и без да се смрзнувате додека сте дома.

Следете ги овие 8 едноставни и бесплатни трикови кои ќе ви помогнат во оваа и секоја следна зима:

1. Затворајте ги вратите од собите кои не ги користите

Ако ја затворите вратата нема само да ја спречите топлината да се шири, туку и студенилото од другите соби да влезе во просторот каде што сте.

Доколку имате голем простор помеѓу вратата и подот, не заборавајте да го пополните со мека ткаенина која нема да ја пропушти ниту топлината, ниту студениот воздух.

2. Разместете го мебелот

Седечката гарнитура тргнете ја подалеку од прозорците, затоа што тој дел од собата секогаш е најстуден, а истото важи и за надворешните ѕидови.

Сепак, од друга страна треба да внимавате да не го потпирате мебелот на радијаторот, за да не го спречите ширењето на топлината.

3. Покријте ги подовите

Теписите не се важни само заради визуелниот впечаток, туку и заради задржување на топлината.

Десетина од топлината оди во долниот дел од собата, па како што плочките може да ви одмогнат во загревањето, така теписите може да го олеснат.

4. Фолија

Обичната алуминиумска фолија може да биде од голема помош. Ако задниот дел од радијаторот го облепите со фолија, топлината ќе се одбива кон внатрешноста.

5. Топли алтернативни помагала

Колку и да ви звучи чудно, во вечерните часови кога температурата на парното или било кое грејно тело се намалува, имате алтернативни решенија.

Топлото ќебе и жешкиот чај се одлично решение кое нема да ве чини цело богатство.

Наместо да палите дополнителен грејач во 11 часот навечер, стуткајте се во топлиот јорган и одете порано на спиење.

Наутро, кога целиот дом не е затоплен, користете грејни тела кои дуваат топол воздух, наместо обична греалка. Не заборавајте да користите навлажнувач на воздухот во тој дел од денот.