Еднособен стан дизајниран за млади парови

Заедничкото живеење никогаш не било лесно. Дали заради кариерата, штедењето или самото започнување на едно ново животно поглавје, младите парови често не знаат како да го одберат идеалниот дом.

За почеток, тој не треба да биде скап и луксузен, туку удобен, смирувачки и хармоничен. Токму таков е овој стан од 40 метри квадратни, дизајниран специјално по потребите на младите парови.

Дизајнот е фокусиран на поделбата на просторот на неколку корисни целини и зони, без подигнување на непотребни ѕидови.

Така, спалната соба, дневната, трпезаријата и кујната се една прекрасна целина од шаренило од бои и дезени.

Креветот и работната соба се одделени со само една скаличка која има улога на фиока, додека трпезаријата, дневната соба и кујната се потполно отворени.

Станот дури поседува и малечка, светла тераса, идеална за појадок и кафе во пар.

Сон на секој пар!

• 
• 
• 
• 
• 
• 
• 
• 
•