Како да ја зачувате топлината во домот?

Без разлика каков вид на греење користите, трошоците за греење секогаш ќе постојат, но со малку труд и инвестиции, можете значајно да ги намалите.

kako-da-ja-zacuvate-toplinata-vo-domot-1

Со добра изолација на вашиот дом, можете да заштедите и над 30% од трошоците за греење.

Погледнете ги овие неколку евтини и едноставни чекори кои може да ги преземете за да ја зачувате топлината:

1. Подобрете ја изолацијата на поткровјето

Вашето поткровје е едно од клучните места кога станува збор за губење на топлината. Ако изолацијата во поткровјето не е дебела 30 сантиметри, тогаш потребно е да ја подобрите. Тоа секако можете да го направите со евтини материјали како што е целулозата (стара хартија), стиропор или најлон.


2. Изолирајте ги прозорците и вратите

Многу топлина се губи околу прозорците и вратите, а тука може да ви помогне купувањето на самолепливи гумени траки. Истите може да ги залепите на внатрешните делови од прозорите и вратите, а пред лепењето добро исчистете ја површината.


3. Користете пур-пена за мали отвори

Пур-пената е одлично средство за пополнување мали простори, односно отвори низ кои топлината излегува. Тука спаѓаат разните отвори за струја, отворите за кабли и слично. Бидете внимателни при употребата на пур-пена, бидејќи таа не смее да дојде во контакт со вашата кожа.


4. Изолирајте го подрумот

Подрумите и гаражите се полни со мали дупки и отвори низ кои топлината излегува, а особено ако подрумот не е заѕидан. Ако подрумот се наоѓа под просторијата која се грее, тогаш можете да ја обложите со хартиена изолација, а ситните отвори и пукнатини со пур-пена.


5. Користете завеси и ролетни

Еден од наједноставните начини за зачувување на топлина во домот е инвестицијата во ролетни и завеси. Во текот на ноќта, ролетните можете да ги затворите за да го спречите навлегувањето на ладниот воздух и испуштањето топлина, а преку денот отворете ги за да му допуштите на сонцето да ве грее со природна топлина. Завесите се подобри кога се подебели, бидејќи задржуваат повеќе топлина, а ролетните е најдобро кога можете да ги затворите во целост.

Би можело да ве интересира:

Кај Анета дома: „Големата гарнитурата ми е погодок, а малиот број на фиоки во кујната ми е промашува... „Ја обожавам белата лулашка во дневната соба. Преудобна е, издржл...
Кул идеја од Маја од Охрид: Издлабени тикви како саксии за есен (фото) Идејата на Маја Гугоска од Охрид дефинитивно ќе ве инспирира и вас. Издлабени ти...
7 ситници во домот што гостите сигурно ќе ги забележат (и ќе раскажат на сите за нив) Сте се запрашале ли што е она што на гостите што доаѓаат во вашиот дом веднаш им...

Најчитани неделава

sonovnik-sidebar.jpg