Како да го осветлите мрачниот и темен дом?

Ако домот ви е на северна страна, станот на приземје или во сенка од околните згради и дрва, тогаш многу добро знаете што значи да живеете во темница.

Освен што амбиентот не е пријатен, тешко е да не станете меланхолични во таков мрак.

Доколку долго време се мачите со овој проблем и запалените сијалици, овие совети конечно ќе ви помогнат да го осветлите домот:

1. Ѕидовите обојте ги во снежно бела или нежно жолта боја. На ѕидовите закачете слики и фотографии во живи бои.

2. Ако кујната е мрачна и малечка, добро би било горните и долните елементи да бидат во бела боја со висок сјај, а ѕидовите обоени во црвено.

3. Ходникот во кој нема ниту еден прозор, прекријте го со огледала од под до плафон. Тие ќе го направат визуелно посветол и поголем, а секогаш ќе ви се најдат кога ќе излегувате од дома.

4. Во собата која е посебно мрачна, таванот излепете го со светол тапет. Одбирајте живописни и колоритни дизајни кои делуваат ефектно.

5. Во ќошињата од собите ставете било каков извор на светлина - подни, вградени или ѕидни ламби, а атмосферата можете да ја подобрите со неколку бели или жолти свеќи.