5 златни правила за совршено организирање на кујната

Веројатно позната ви е маката - брзо ви треба готов ручек, а вие сè уште се мачите да го најдете вистинскиот сад за готвење. Добро организираната кујна е предуслов за лесно и едноставно приготвување на вкусен оброк.

Поради тоа ви претставувавме 5 златни правила кои ќе ви помогнат секогаш да знаете каде што ви се наоѓа:

1. Чувајте ги работите така што секогаш ќе ви бидат при рака

Тавите и тенџерињата држете ги близу рерната, пластичните садови на работната површина, а чиниите, чашите и останатите садови близу мијалникот или машината за перење садови.

2. Групирајте ги работите

Тавите и тенџерињата кои обично ги користите за пржење ставете ги на иста полица. Приборот за јадење и зачините ставите ги во фиока, а дрвените лажици во керамички сад.

3. Достапност

Работите кои често ги користите складирајте ги така што секогаш ќе ви бидат на видик. Тешките предмети спуштете ги на долните полици а оние кои ретко ги користите на горните. Работите кои секојдневно ги употребувате ставете ги напред, а оние кои поретко позади.

4. Ослободете се од старите непотребни работи

Најмалку еднаш годишно проверете ги садовите во кујната и ослободете се од сето она што е старо, оштетено или она што со години не се користи.

Во кујната можете да имате и предмети на кои им поминал рокот на траење, па потребно е и нив да ги фрлите.

5. Проѕирни садови

Сол, кафе, шеќер и сите зачини кои ги користите секојдневно чувајте ги во проѕирни тегли. Исто така, на теглите може да залепите етикети со ознака за она што е внатре, наместо да проверувате повеќе пати.