Како да ја разубавите евтината масичка од Икеа која сите ја имаат дома?

Денес речиси и не постои домаќинство кое не ја поседува малата квадратна масичка од Икеа. Таа можеби е еден од најпрепознатливите заштитни знаци на шведската компанија, која го оправдува имиџот со кој се гордее – евтина, практична и лесно склопливо повеќенаменско парче мебел.

Достапна во две бои, бела и црна, масичката е простор каде што го пиеме утринското кафе, ги чуваме омилените книги или наједноставно – ги креваме нозете врз неа, за да се одмориме по напорниот ден.

Некои од вас можеби ја имаат поставено веднаш до креветот во улога на наткасна, односно заменува мала комода, други ја чуваат на терасата, бидејќи е одлична за мали простори... Со еден збор, можностите за употреба на малата Икеа масичка се неограничени.

Овие луѓе имале поинакви идеи како да ја разубават својата омилена масичка.

Од фотките ќе забележите дека дел од нив вешто ја пренамениле во хранилка за нивните домашни миленичиња, некои ја употребиле во кујната, како простор за дополнително складирање на предмети. Други пак ја обоиле во омилената боја, ја облепиле со тапети или стари географски мапи, а оние највредните создале вистински катчиња за игра и уживање на дечињата.

Дел од нив изгледаат вистински гламурозно, многу повредно и полуксузно, од цената која што стои на етикетата.

Во секој случај, идеите се прекрасни...

(О)Милена | Црнобело