15 растенија за секоја соба од вашиот дом

Домашните растенија нудат спокој во домот, а истовремено претставуваат одлична декорација на ентериерот.

Тие го зголемуваат количеството на кислород во домот, а некои од нив имаат и способност да го чистат воздухот од отрови.

Доколку сте неодлучни при изборот на растенијата, погледнете ги следниве идеи:

1. Бања

• Палма. Го чисти воздухот од амонијак, што е особено важно после хемиско чистење на бањата.
• Аглаонема. Го намалува нивото на формалдехид кој се наоѓа во козметичките производи. Најдобро е да се чува во близина на тушот.
• Европски/Англиски бршлен. Го апсорбира јаглеродниот диоксид и истовремено го чисти воздухот од токсини и тешки метали.

2. Спална соба

• Сансеверија (Sansevieria Trifasciata). Ова растение испушта кислород во текот на ноќта и го прочистува воздухот од токсини, со што значително се подобрува сонот.
• „Крин на мирот“ (Spathiphyllum). Ги апсорбира токсините од препаратите за домаќинство (ацетон, амонијак). Има особено важна улога во прочистувањето на воздухот во затворен простор.
• Орхидеја. Растение со прекрасни цветови. Произведува доволно кислород во текот на ноќта и го чисти воздухот од толуен.

3. Детска соба

• Кафето претставува растение кое е природен филтер. Го чисти воздухот од бензен, формалдехид, фенол и  трихлоретилен.
• Хибискусот создава поволна микроклима. Освен што го прочистува воздухот, им овозможува и на другите растенија што се во негова близина подобро да растат.
• Цикламата помага при справување со несоницата, синдромот на хроничен замор, депресивното расположение и раздразливоста.

4. Дневна соба

• Драцена (lat. Dracaena). Го прочистува воздухот од формалдехид (содржан во фарбите, теписите и завесите) и бензен (го има во фарбите и синтетичките влакна).
• Хлорофитум (Chlorophytum crested). Ги намалува емисиите на формалдехид од автомобилите и чадот од тутунот, и го чисти и оксидира воздухот.
• Бенџамин. Го уништува бензенот во воздухот, трихлоретиленот и фенолот.

5.  Кујна

• Алое вера. Го прочистува воздухот од бензен (кој го има во детергентите) и формалдехид.
• Мадагаскарски јасмин (Stephanotis floribunda). Освен убавината што ја нудат неговите ситни бели цветови, ова растение го ревитализира и воздухот во кујната.
• Африканска темјанушка (Saintpaulia). Предноста на ова растение е што може да ги избрка мравките од домот.

М. С. | Црнобело