Фенг шуи совети за летната сезона во домот

Летната сезона е вистинско време за прочистување на старата, застоена енергија домот и за додавање на неколку елементи кои внесуваат свежина и хармонија во просторот.

Според Фенг шуи, летниот период е поврзан со елементот оган кој се поистоветува со силна енергија и страст, но и со слава и репутација, односно начинот на кој другите нé доживуваат. Делот во домот поврзан со ова е ходникот. Поставете некој украс во црвена боја во ходникот или свеќа која носи топлина и „оган“.

Прочитајте уште неколку совети за уредување на домот во летната сезона според оваа древна кинеска уметност:

1. Погрижете се сé да биде уредено и организирано на начин на кој енергијата слободно ќе се движи низ собите.

2. Ако имате медали, награди или трофеи, поставете ги на видно место.

3. Додадете растенија, како што е бамбусот, кои носат финансиски успех и билки што го прочистуваат воздухот.

4. Користете водени елементи. Ако не можете да си направите фонтана во домот, ставете слики или фотографии со водопади, езера, реки и слично.

5. Поиграјте си со кристалите. Висечки кристал во домот го одржува спектарот на бои кога е осветлен од сончевите зраци.

6. Погрижете се просторот да добива што е можно повеќе природно светло бидејќи тоа дава многу позитивна енергија.

М. В. | Црнобело