Интересни начини да го декорирате домот со марами

Верувале или не, марамите можат на интересен начин да го украсат домот. Ако имате многу марами кои ви се допаѓаат каков дезен имаат, а не ги носите, искористете ги како декор.

За да внесете разиграност во просторот, ви предлагаме неколку начини како да ги искомбинирате овие модни додатоци во домот.

Уметнички слики

Врамете ги марамите и закачете ги на ѕид како уникатни уметнички слики.

Закачете ги на ѕид

Ако сте љубители на бохо стил на уредување, закачете ги марамите на ѕид.

Прекријте го креветот

Ако имате долги марами или шалови, прекријте го горниот дел на креветот во спалната или пак, искористете го како интересна прекривка.

Како чаршаф

Старата марама искористете ја како чаршаф за маса, само одберете ја вистинската големина.

Како навлаки за перничиња

Изберете ги најубавите свилени марами кои не ги носите и искористете ги како навлаки за перничиња.

М. В. | Црнобело