8 видови на новогодишно китење на домот - како го уредивте вие?

Едноставен минимализам

Ништо пренакитено и не премногу впечатливо е одлика на чистиот едноставен минимализам. Украсите се најчесто во една боја, вообичаено бела или сребрена. Главниот акцент се става на сијаличките и зеленилото. Понекогаш и скромното украсување може да делува богато.

Скандинавска умереност

Скандинавскиот декор би го опишале како смирен, интимен и многу пријатен. Многу се внимава на формата и секако, на умереноста. Ништо пренагласено, ништо што не „запнува“ за око, а сепак пријатно и удобно. Задолжително направете место за огромните хартиени ѕвезди кои по некое непишано правило се симбол за скандинавскиот новогодишен декор.

Блескаво женствено

Декорациите треба да изгледаат како дел од некоја слатка шеќерна бајка. Многу пастелно, многу розово, многу блескаво. Светките се и повеќе од добре дојдени, како и сите дополнителни украси кои асоцираат на нежност и женственост.

Еклектична вибрација

Во превод „Направи сам“ декорирање, а домот ќе заблеска со помош на вашите вредни прсти.

Еклектичниот стил е спој на најневеројатните и неочекувани нешта, па така може да завршите со цветови од хартија, многу машнички и ѕвезди од интересни материјали. Со еден збор, истурете ја целата имагинација и креативност во домот и креирајте новогодишна еклектична бајка.

(О)Милена | Црнобело