10 причини зошто кујната секогаш ви е во хаос

Во просек, секој ден поминуваме по 71 минута во кујна, па чистотата и редот во овој дел од домот се од клучно значење.

За хаосот во кујната да не ви биде дополнителен стрес во животот, треба да почитувате 10 едноставни правила.

Со нивна помош сè ќе изгледа поуредно и ќе биде побезбедно за здравјето:

1. Посебни даски за месо, посебни за зеленчуци. По можност, дрвени, бидејќи на нив бактериите потешко се размножуваат.

2. Преферирајте кујнски елементи без ногарки. Така ќе избегнете собирање на прашина.

3. Подот секогаш треба да е мазен. Секоја нерамнина или текстура може да собере нечистотии кои се екстремно тешки за чистење.

4. Фрлете ја крпата за сè и одредете посебна крпа за раце, за пребришување на чашите, даските, чиниите...

5. Држачот за сет ножеви не е најхигиенската опција. Подобро одберете 3 соодветни ножеви, наместо 17 кои никогаш не ги користите.

6. Покријте ја цевката за вентилација над аспираторот.

7. Користете ист тип на пластични садови и секогаш обрнете внимание на квалитетот на пластиката.

8. Фрлете ги застарените апарати за домаќинство кои не сте ги употребиле со години. Или подарете ги, ако уште функционираат.

9. Апаратите за домаќинство не ги поставувајте пред прозорците. Светлиот дел под прозорецот искористете го како работна површина.

10. Бокалот за вода секогаш треба да биде чист. Бигорот најлесно се чисти со оцет или специјални прашоци и средства.

М. Д. | Црнобело