Нема место за пеглање, нема место за складирање: 6 недостатоци на малите станови и решенија за нив

Каде да ја ставите постелнината и облеката што оваа сезона не ги користите? Дали вие немате право на саксиско цвеќе во домот?

Во малите апартмани најголем проблем е недостигот од простор за организација. Едноставно нема простор за сè.

Проблеми и решенија за живеењето во мал стан:

Проблем 1: Немате доволно простор за облеката

Плакарите одземаат премногу простор. Добра идеја е да направите мала гардероба, која ќе одземе само малку повеќе простор од плакар, а во неа ќе ставите многу повеќе. Ќе има закачалки, полици, корпи, кутии со чевли. Можете да ја затворите со монохроматска завеса.

Второ решение за максимално да го искористите просторот во спалната соба за складирање на облека е да направите плакари околу вратата.

Проблем 2: Немате каде да ја складирате постелнината

Постелнина, спортска опрема, облека од друга сезона, сето тоа складирајте го во кутии со тркалца под креветот или масата.

Проблем 3: Немате каде да пеглате

Поставете даска за пеглање на ѕидот која ќе ја спуштате по потреба, па така ќе биде брзо и едноставно за користење, а нема да зафаќа место.

Проблем 4: Ситни работи расфрлени низ станот

Сметки, клучеви, полначи за телефон и во вашиот мал стан е хаос. Организирајте ги во кутии прикачени на ѕидот.

Проблем 5: Недостиг од место за саксии со цвеќе

Искористете го секој агол од станот, па ставете неколку саксии на мала скала или пак прикачете ги саксиите на дрвена рамка и направете си мала зелена зона.

Проблем 6: Немате каде да ги ставите книгите

Направете вградени полици кои ќе бидат до малата област за читање сместена покрај прозорецот.

С. С. | Црнобело