6 причини според Фенг шуи: Зошто се чувствувате лошо во својот дом?

Домот, по дефиниција, би требало да е место каде се релаксирате, полните батерии и собирате позитивна енергија, но вие баш и не се чувствувате така.

Дизајнерите на ентериери и следбениците на фенг-шуи предупредуваат дека постојат шест причини зошто тоа се случува:

Немате домашни растенија и цвеќиња

Доволно е само една саксија со собно цвеќе за тоа да донесе освежување и повеќе воздух во вашиот дом. Исто така, ќе додаде живост во просторот, а присутноста на растенија докажано го намалува и стресот.

Фенг-шуи стручњаците препорачуваат да одгледувате бамбус или орхидеја, а да избегнувате кактуси.

Единственото осветлување е на таванот

Лустерите е нормално да стојат на таван, но добро би било да дадете дополнителна светлина и со столни ламби, па дури и со свеќички. Така во вашиот дом ќе има повеќе топлина и ќе биде поведро.

Немате чист влез во домот

Влезната врата и ходникот кој води кон дневната соба треба да бидат проодни и чисти. Внимавајте на расфрланите чевли и на натрупаните закачалки во ходникот.

Телевизорот е во фокусот на просторот

Наместо телевизорот, во фокусот на дневната соба е подобро да биде гарнитурата или каминот. Во спалната соба не треба да имате телевизор, ниту компјутер.

Трпезаријата ви е сина

Повеќе истражувања покажале дека боите имаат поврзаност со апетитот. Иако сината е добра доколку сте на диета, внимавајте кога приредувате свеченост или имате гости да не користите сини садови и декорации. Сината е одлична боја за спалната соба.

Немате шаренило

Кога бирате завеси, украсни перници или тапети, дајте си повеќе слобода и поиграјте си со боите. Истото можете да го направите и со ќебињата и прекривачите. Внимавајте да не биде еднолично, бидејќи вашиот простор ќе изгледа како ординација.

Е. Д. | Црнобело