Да се отвора навнатре, да има чергиче - 10 фенг шуи правила кои се однесуваат на влезната врата

Пред да започнеме со декорација и реновирање на внатрешноста на нашиот дом, треба да обрнеме внимание на самиот влез.

Овој дел од куќата не треба да го игнорираме, бидејќи влезната врата е „премин“ од јавното место во местото во кое живееме.

Постојат неколку фенг-шуи правила за тоа како треба да изгледа нашата влезна врата:

1. На самиот почеток, важно е како изгледа нашата влезна врата, бидејќи го претставува нашиот дом и првиот впечаток за него. Важно е вратите да бидат поголеми и потешки, како и да се разликуваат од другите врати во куќата.

2. Вратите можат да бидат еднокрилни или двокрилни, најдобро е да бидат изработени од цврсто дрво или некој друг „тежок“ материјал. Избегнувајте стаклени врати, како и лизгачки.

3. Вратата треба да се отвора навнатре.

4. Најпопуларната боја е црвена, но секогаш размислете за вашиот личен вкус и желби. Ако црвената не е ваша омилена боја, белата е, секако, добар избор, како и сите нијанси на кафеава.

5. На самата врата, истакнете го бројот на куќата / станот. Нека биде јасно видлив и впечатлив, како и плочката со презимето и / или имињата на луѓето кои живеат во домот.

6. Не дозволувајте вратите да крцкаат, да имаат скршена брава, да бидат валкани или оштетени делови. Сето ова е многу лесно да се поправи и позитивно ќе влијае врз вашиот дом.

7. Над вратата поставете светло, кое секогаш треба да биде вклучено.

8. Ставете чергиче. Нека биде убаво, интересно и секогаш чисто. Заменете го кога ќе се искине.

9. Покрај вратата, од надворешната страна, поставете растение или друга декорација. Редовно чистете го просторот пред вратата.

10. Украсете ја влезната врата со некој венец, срце или друга декорација која ќе одговара на сезоната.

Без оглед на фенг-шуи техниката, секогаш избирајте ја вратата што е првенствено безбедна. Не треба да ги криете клучевите под чергиче, бидејќи таквите места не се безбедни и лесно се достапни за секого. 

Никогаш не го оставајте вашиот дом незаштитен.

Ашера | Црнобело