Мебел со заоблени краеви и уште 6 нови трендови за уредувањето на дневната соба

Во домот ставете уметнички дела, плетени лустери и бои кои ви будат пријатни спомени од патувања. Зошто да не си ја „доведете“ Африка во вашиот дом на пример?

Во период кога луѓето минуваат голем дел од времето дома затоа што работата, училиштето, состаноците сега во голем дел се одвиваат онлајн, треба да се обрне особено внимание на уредувањето на домот, особенот на централниот дел од него – дневната соба.

Нови трендови за уредување на ентериерот во дневната соба:

Мебел со заоблени краеви, наместо остри агли, кој ќе даде топлина на домот

Надополнете со кружни перничиња, кружни ќилими и кружни маси.

Повеќенаменски мебел

Од кревети кои може да се сокријат кога не се користат до бироа што се претвораат во места за складирање, повеќенаменскиот мебел ќе биде хит.

Топли прекривки налик јамболии

Текстурата на овие материјали ќе ви помогне да се чувствувате топло, безбедно и удобно во својот дом. Даваат чувство дека сте во колиба на планина.

Декор инспириран од патувања

Во домот ставете уметнички дела, плетени лустери и бои кои ви будат пријатни спомени од патувања. Зошто да не си ја „доведете“ Африка или Индија во вашиот дом на пример?

Големи каучи

Во време кога семејствата се повеќе дома потребни се големи каучи кои ќе ги соберат сите членови. Одбирајте посветли бои за ова големо парче мебел да не ви ја затвори собата.

Природни елементи

Пластиката и синтетиката годинава ќе бидат заменети со природни материјали и текстури. Очекувајте да видите материјали како ратан, дрво, волна насекаде, па дури и во домовите со индустриски стил на уредување.

Големи и впечатливи уметнички дела на ѕидовите

Наместо повеќе мали дела фокусот, тренд ќе биде фокусот да биде на едно големо и впечатливо уметничко дело со некој апстрактен мотив.

Прочитајте и 7 идеи како да го освежите ентериерот на вашиот дом оваа 2021

С. С. | Црнобело