Фенг-шуи совети: Која боја на новогодишни украси ќе ви донесе здравје, среќа и пари во 2022?

Според кинескиот хороскоп 2022-та година е година на Тигарот, па така кога станува збор за боите на лампионите и декорациите мора да имате предвид дека ова „животно“ не сака дречливи бои или разнобојни декорации. Како да ја декорирате новогодишната елка?

Голем број од нас ги користат истите декорации секоја година, а други пак, вложуваат доста време и труд во тоа секоја година да направат различни декорации во нивниот дом за новогодишните и божиќните празници.

Но, што велат фенг-шуи експертите, каде треба да стои елката и кои бои на украсите ќе ви донесат повеќе здравје, среќа и пари?

Каде да ја ставите елката?

Според Кинескиот хороскоп, 2022-та година е година на Тигарот, па така фенг-шуи советите се врзуваат за оваа важна информација.

Според фенг-шуи секое место во домот има своја енергија, па затоа местоположбата каде ќе ја ставите елката има големо значење и за тоа на кое поле ќе забележите најголеми успеси во идната година.

Елката можете да ја поставите на соодветното место, во зависност од тоа на кое поле сакате да привлечете најмногу позитивна енергија:

Здравје – Доколку сакате да привлечете најмногу позитивна енергија на ова поле, тогаш елката треба да ја ставите во средиштето на собата, каде „се собира“ целата животна енергија.

Семејна хармонија и разбирање – Доколку сакате да постигнете подобри резултати на ова поле, тогаш елката треба да ја сместите во источниот дел од собата.

Признанија во општеството – Доколку сакате да стекнете поголема слава и да бидете поприфатени во општеството, тогаш елката треба да биде сместена во јужниот дел од собата.

Успех во кариерата – За поголеми успеси на кариерен и финансиски план, елката треба да ја ставите во северниот дел од собата.

Нова хармонична љубовна врска – Доколку сакате да имате повеќе успеси на љубовен план, ако копнеете да ја најдете вашата вистинска љубов, тогаш елката треба да се најде во западниот дел од собата.

Бои

Според кинескиот хороскоп 2022-та година е година на Тигарот, па така кога станува збор за боите на лампионите и декорациите мора да имате предвид дека ова „животно“ не сака дречливи бои или разнобојни декорации.

Затоа според фенг-шуи, можете да се определите за некоја од следниве палети на бои:

Златна, зелена и шампањ

Сребрена и сина

Kафеава и беж

Б. С. Б. | Црнобело