На божиќна трпеза кај Dave’s Kitchen: 6 вкусни рецепти на кои нема да им одолеете

Крофни од апарат

Потребно:

• 4 јајца
• 15 лажици шеќер
• 350ml јогурт
• 170ml масло за јадење
• 2 пакетчиња прашок за печиво
• 35 лажици брашно
• 2 пакетчиња ванилин шеќер

Начин на подготовка:

Во длабок сад промешајте ги сите состојки заедно и во загреано апаратче за крофни испечете ги крофните по 5-6 минути.

Мафини со пилешко во кари сос и лиснато тесто

Потребно:

• 500g лиснато тесто
• 1kg пилешки стек, исечкан на коцки
• 1 лажичка мешан сув зеленчук
• Сол и мелен црн бибер по вкус
• 2 лажички кари
• 2 лажички сенф
• 500ml неутрална павлака за готвење
• 500g свежи шампињони
• 2 чешниња лук, ситно исечкани

Начин на подготовка:

Во тава на загреано масло испржете го пилешкото и зачинете со мешан сув зеленчук, сол и мелен црн бибер. Испржете ги свежите шампињони на малку масло и додајте го лукчето, пржениот стек и полејте со неутрална павлака за готвење, сенф, кари и сол и бибер по вкус. Пропржете и оставете да се излади.

Лиснатото тесто пресечете го на коцки малку поголеми што се калапите за мафини.

Наполнете го секое парче лиснато тесто со смесата од пилешко во кари сос и печете на 190 степени околу 20-25 минути.

Шишарки

Потребнo:

• 300g мелени бисквити
• 100g мелени ореви
• 2 лажици шеќер
• 3 лажици какао
• 200ml млеко
• 100g маргарин
• Чоколаден корнфлекс

Начин на подготовка:

Во тенџере на оган промешајте го шеќерот, какаото, млекото и маргаринот. Кога ќе се растопи маргаринот, додајте ги мелените бисквити, мелените ореви и промешајте додека смесата не се соедини. Ставете ја во ладилник 1-2 часа да се стегне и оформете шишарки. На секоја шишарка ставете од чоколадниот корнфлекс и сервирајте.

Продолжува на следната страница...