Погача што се топи во уста - совршен рецепт за празничната трпеза
До дочекот на Новата година не останува уште многу време. А ако уште од сега го подготвувате менито за празничната трпеза, оваа мека погача, треба да го најде своето место на неа.
Оваа погача, со сирење е толку мека и вкусна, но уште поважно - лесна за подготовка, што ќе сакате да ја правите често, не само за празниците.
Како да ја посготвите?
Потребни состојки:
- 250ml млеко
- 100ml вода
- 2 лажици шеќер
- 10g сув квасец
- 2 белки, 1 жолчка
- 80ml масло
- 800g брашно
- 1 лажичка сол
- 300g сирење за фил
- 1 жолчка за премачкување + сусам за посипување
- 2 лажици путер за премачкување
Начин на подготовка:
- Во сад истурете ги топлото млеко, водата, шеќерот, квасецот, белките, едната жолчка и маслото, па измешајте за да се спојат.
- Додадете брашно, сол и замесете меко и мазно тесто. Брашното додавајте го постепено.
- Префрлете го тестото во намастен сад (за да не се залепи), покријте го со пластична фолија или крпа и оставете го на собна температура додека не се дуплира во големина.
- Ставете го нараснатото тесто на работната површина, поделете го на 4 дела.
- Обликувајте го секој дел во топка и оставете го да отстои дополнителни 10 минути.
- Секоја топка расукајте ја во форма на правоаголник.
- Ставете сирење од едната страна, а другата страна засечете ја по должината со мали резови, како што е прикажано во видеото и замотајте го тестото во форма на ролат.
- Префрлете го тестото врз плех обложен со хартија за печење, во форма на полжав и редете ги четирите парчиња едно покрај друго.
- Покријте го и оставете го да нарасне околу 30 минути, па премачкајте го со втората жолчка од јајцето, наросете го со сусам и печете го на 200°C околу 20 минути.
- Веднаш по печењето, премачкајте ја погачата со растопен путер.
Видео постапка:
А. Ј. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за намаз од варени јајца – кремаст и сочен за мачкање леб
Ако ви останаа многу велигденски јајца, изрендајте ги, додадете неколку состојки...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за турска бисквит торта со чоколаден прелив – се топи во уста
Најубавата и најсочната бисквит торта со бел крем, чоколаден прелив и вкус на ка...
Препорачуваме
Најчитани неделава
