Рецепт за турска бисквит торта со чоколаден прелив

Рецепт за турска бисквит торта со чоколаден прелив – се топи во уста

Најубавата и најсочната бисквит торта со бел крем, чоколаден прелив и вкус на кафе, по турски рецепт. Се прави лесно, а вкусот е неодолив.

recept-za-turska-biskvit-torta-so-chokoladen-preliv-se-topi-vo-usta-01.jpg

Се сеќавате на редените бисквит торти кои порано ги имаше во секој дом?

Оваа торта по турски рецепт нема да ве остави рамнодушни и никој нема да одолее за парче плус.

Се подготвува лесно и брзо, а се топи во уста.

Потребни состојки:

За бисквитите:

3 пакетчиња Petit Beurre бисквити
200ml млеко
1 лажичка инстант кафе
1 лажичка шеќер

За кремот:

Прв дел:

1l млеко
3 лажици густин
3 лажици брашно
1 шолја шеќер
1 пакетче ванилин шеќер

Втор дел, кога кремот ќе се олади:

1 пакетче шлаг во прав
½ мала шолја млеко

За чоколаден прелив:

200ml слатка павлака
100g млечно чоколадо
1 лажица какао

recept-za-turska-biskvit-torta-so-chokoladen-preliv-se-topi-vo-usta-02.jpg

Начин на подготовка:

Ставете ги во сад состојките за првиот дел од кремот – млеко, шеќер, брашно, густин и ванила.
Гответе на средна температура со постојано мешање, додека мешавината не стане мазен крем.
Кога ќе биде готово покријте го со проѕирна фолија така што ќе ја допира површината на кремот и оставете да се олади целосно.
Кога ќе биде изладено, додадете го шлагот и миксирајте додека не добиете мазна смеса, ако е многу густо, додавајте малку млеко.
Потоа продолжете со чоколадната глазура, така што ќе ја загреете во тенџере слатката павлака, па ќе ги додадете чоколадото (сечкано) и какаото.
Мешајте додека не добиете мазна смеса и оставете да се лади, со повремено мешање за да не се лепи.
Направете ја мешавината за потопување на бисквитите – измешајте во сад млеко, кафе и шеќер.
Потопете го секој бисквит во оваа мешавина и редете ги едно до друго во еден слој во коцкаста тава.
Премачкајте го слојот со кремот, па одозгора наредете повторно потопени бисквити и повторувајте ја постапката додека имате крем.
Идеално е да има 4 реда бисквити со 4 реда крем.
Измазнете го убаво последниот слој крем и истурете го чоколадниот прелив насекаде.
Ставете во фрижидер најмалку 3 часа, а идеално цела ноќ, па потоа пресечете на коцки и послужете.