На божиќна трпеза кај Dave’s Kitchen: 6 вкусни рецепти на кои нема да им одолеете

Крем салата:

Потребно:

• 800g крем сирење
• 500g фета сирење
• 1 лажичка лук во прав
• 1 лажичка кромид во прав
• 1 лажичка буковец
• 1 лажичка копар
• 1 лажичка мајчина душкичка
• 1 лажичка оригано
• 100g ореви
• 1 китка магдонос
• 100g брусница

Начин на подготовка:

Во длабок сад промешајте го крем сирењето, фетата, и зачините. Целата смеса префрлете ја во стреч фолија и ставете во ладилник да се стегне. Во сецко ставете ги брусницата, магдоносот и оревите. Превалкајте ги сите состојки заедно и превалкајте го ролатот од крем сирење. Сервирајте.

Чоколадна торта со вишни

Потребнo:

За тестото:

• 3 белки
• 3 лажици шеќер
• 1 пакетче ванилин шеќер
• 3 лажици какао
• 3 лажици мелени ореви
• 1 лажица брашно

Овие состојки се дуплираат четири пати за да се направат вкупно 4 пандишпани.

За филот:

• 12 жолчки
• 2 пудинга од чоколадо
• 1l млеко
• 200g темно чоколадо
• 7 лажици шеќер
• 250g путер, омекнат

За филот со вишни:

• 500g вишни
• 200ml вода
• 5 лажици шеќер
• 1 пакетче пудинг од ванила

Начин на подготовка:

Белките изматете ги со шеќерот и ванилата во цврст снег. Додајте ги мелените ореви, какаото и брашното. Промешајте ги состојките заедно и печете на 180 степени околу 10-12 минути. Постапката повторете ја додека не направите вкупно 4 пандишпани.

За филот во тенџере на оган ставете ги жолчките, шеќерот, пудингот од чоколадо и млекото. Промешајте додека не се соедини целата смеса и не се згусне. Тргнете го тенџерето од оган и додајте го чоколадото. Промешајте додека чоколадото не се растопи. Оставете да се излади, а потоа промашајте го со миксер и додајте го омекнатиот путер.

За филот со вишни, во тенџере на оган додајте ги вишните, водата, шеќерот и пудингот од ванила. Кога ќе се згусне, тргнете од оган и покријте со хартија за свежа храна и оставете да се излади.

За да ја склопите тортата, земете еден пандишпан потопете го со малку млеко и премачкајте го со чоколадниот фил. Потоа премачкајте со филот од вишни, и повторете ја постапката додека не се потрошат пандипаните и филот.

Оставете да се излади. Декорирајте ја тортата со изматен шлаг и новогодишни декорации.

Повеќе фотографии од трпезата на Давор:

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело