За велигденската трпеза: Гнезда од кадаиф полнети со Нутела и чоколадни јајца

Овие тартови кои наликуваат на гнезденца со јајца се прават многу брзо и лесно, а идеално ќе се вклопат како десерт на вашата велигденска трпеза.

za-veligdenskata-trpeza-gnezda-od-kadaif-polneti-so-nutela-i-chokoladni-jajca-01.jpg

Ако уште немате смислено десерт за велигденската трпеза, имаме идеален предлог за вас.

Се подготвува брзо и лесно во поголема количина, а изгледа совршено и ќе ви ја краси трпезата.

Станува збор за тартови со кадаиф и Нутела, кои наликуваат на мини гнезденца со јајца.

Потребни состојки (за 24 тартови):

За тартот:

375g кадаиф
125g несолен путер, стопен
малку путер за премачкување на калапите

За шербет:

250g шеќер
375ml вода

За филот:

500g Нутела, претходно омекната

За декорација:

Мини велигденски јајца

Начин на подготовка:

Оставете го кадаифот на собна температура и загрејте ја рерната на 180 степени Целзиусови.
Намачкајте ги со путерот калапите за мафини.
Во мало тенџере, ставете ги водата и шеќерот и на средна температура мешајте додека шеќерот целосно не се растопи.
Околу 7 минути нежно мешајте додека убаво да се соедини мешавината па оставете да се олади.
Кадаифот ставете го во сад и со раце кинете го додека не добиете ситни парченца.
Истурете го путерот во кадаифот и убаво измешајте со раце додека не се распореди насекаде.
Наполнете ја секоја дупка од калапот за мафини со кадаиф и благо притиснете на средината, така што од страните ќе биде повисоко.
Печете 30 минути, извадете ги од рерна и ставете по една лажица од шербетот на секој тарт, па оставете да се оладат.
Нутелата, која претходно ќе биде омекната, префрлете ја во шприц или ќеса со дупка и ставете на средината на секој тарт, па декорирајте со мини јајца.

Видео постапка: