Кога немате леб: Брзи фурнaринки од готово тесто за пицa
Наместо леб со ручекот или појадокот, па и за мезе со пријатели можете да сервирате фурнаринки, а овој рецепт ќе ви биде меѓу омилените, затоа што се подготвуваат од готово тесто за пица и нема потреба од месење.
На социјалните мрежи овој рецепт за брзи фурнаринки од готово тесто за пица масовно се споделува меѓу инфлуенсерките.
Потребни ви се само 20-тина минути, а на трпезата ќе имате вкусна замена за леб, што потсетува на фурнаринките што се служат во ресторан.
Доколку сакате можете да не ставате кашкавал, туку само путер и зачини и да добиете обични фурнаринки.
Како да подготвите брзи фурнаринки со топен кашкавал, што ќе бидат одлична замена за леб на семејната трпеза?
Потребни состојки:
- 1 готово тесто за пица;
- 50g путер (или маргарин);
- ½ лажичка сол;
- Суви зачини (магдонос, оригано);
- 200g рендан кашкавал/пармезан по желба.
Начин на подготовка:
- Рерната се загрева на 180 степени Целзиусови;
- Тестото за пица се растегнува и се става на плех обложен со хартија за печење;
- Во подлабок сад се топи путерот и се додава сол и суви зачини и се меша;
- Тестото за пица се премачкува со зачинетиот путер и врз него се става изренданиот пармезан/кашкавал;
- Фурнаринките се печат 15 минути на температура од 180 степени Целзиусови;
- Кога се готови се засекуваат со нож.
Видео упатство:
@mealsandmunchies Cheesy garlic breadsticks! @flavorgod #easyrecipe #breadsticks #pizzadough #recipe #cooking #sides #appetizer #food #fyp #foryou #breadstick #garlic #ranch #cheese
♬ Flowers - Miley Cyrus
Б. С. Б. | Црнобело
Би можело да ве интересира:
Препорачуваме
Најчитани неделава
