5 намирници на кои може да штедите и 5 за кои вреди да платите повеќе

Слободно купувајте ги најевтините тестенини, но, од друга страна, вреди да дадете повеќе пари за квалитетно маслиново масло бидејќи може да направи голема разлика во вкусот.

Кога сакаме поквалитетни намирници, обично се водиме според нивната цена. Мислиме дека она што е поскапо, секогаш е и подобро.

Сепак, во некои случаи, навистина нема потреба да купувате скапи намирници бидејќи нема да забележите (значителна) разлика во вкусот.

Лизи Брискин од САД е професионален готвач и за Insider открива за кои намирници треба да штедите, а за кои вреди да потрошите повеќе бидејќи прават разлика во вкусот.

Секако, воопшто нема потреба да ги купувате најскапите брендови од некои продукти, а ако вам ви се допаѓа и најевтината варијанта, слободно продолжете да ја користите.

5 намирници за кои нема потреба да давате многу пари:

Шеќер

Лизи советува слободно да го купувате најевтиниот шеќер бидејќи не прави никаква разлика.

Според неа, не е воопшто важно каков десерт правите - нема потреба да давате многу пари за шеќер.

Тестенини

Овојпат станува збор за суви, а не свежи тестенини.

Лизи открива дека обично разликата во поевтините и поскапите брендови е видот на брашно што е користен и процесот на сушење.

Но, таа вели дека ова не прави разлика во вкусот на тестенините, па слободно купувајте ги најевтините.

Соја сос

Освен ако не го користите соја сосот за суши, нема потреба да купувате скапи брендови.

И евтините брендови се сосема во ред ако ги користите како додаток во ориз, нудли, пржен зеленчук и слично.

Сол

Солта е неизоставен дел од секое јадење, а според Лизи, не е важно дали ќе користите скапа или евтина.

Таа истакнува дека и во повеќето ресторани, готвачите користат релативно евтина сол.

Јаткасти плодови

Некои јаткасти плодови можат да бидат навистина скапи.

Сепак, ако ги користите како додаток во десерти, салати и слично, слободно одбирајте ги најевтините.

На следната страница, 5 намирници за кои вреди да патите повеќе…