Намирници кои можат да ви помогнат кога имате констипација

Сировите, но и сувите сливи се храна која ги ублажува симптомите на констипација (запек), а истото важи и за кафето. 

Констипацијата е честа состојба која се јавува на секоја возраст, а причини има безброј.

Во повеќето случаи, констипацијата не е знак за сериозен проблем. Но, ако трае неколку дена, имате силни болки или забележите крв, препорачливо е да одите на лекар.

Најчесто констипацијата настанува при промена на исхраната или секојдневната рутина. Поради ова, и патувањата се период кога многу луѓе се соочуваат со констипација.

Друга причина може да биде и недоволниот внес на хранливи влакна или вода.

Покрај лекови, постојат и намирници кои можат да бидат од помош кога сте соочени со констипација.

Дел од нив во продолжение:

Круши

Генерално, повеќето видови овошје се погодна храна за констипација бидејќи имаат многу хранливи влакна, но и вода.

Крушите, како и сливите и јаболката, имаат многу хранливи влакна во нивната лушпа  и препорачливо е да ги јадете сирови.

Пуканки

Пуканките изобилуваат со хранливи влакна, а притоа имаат малку калории.

Бадеми

Бадемите ја поттикнуваат дигестијата и можат да ги намалат симптомите на констипација.

Само важно е да не претерувате со нив и да ги консумирате со многу вода.

Лубеница

Лубеницата нема многу хранливи влакна, но затоа, пак, најголем процент е вода.

Ова може да ги олесни симптомите на констипација.

Овес

Овесот го поттикнува празнењето на цревата, а ја подобрува и дигестијата.

Продолжува на следната страница...