8 продукти кои (најчесто) ги миеме погрешно

Риба

Кога се пржи или пече рибата, жешкото масло или топлината ги убиваат бактериите.

Но, кога ја миете рибата, многу од бактериите се префрлаат на ножот, на штицата за чистење, дури и на нашите раце.

Токму затоа е важно откако ќе ја исчистите рибата, веднаш да ги измиете и рацете, но и сите предмети што сте ги користеле додека сте ја чистеле.

Зелка

Зелката, карфиолот и брокулата мора да ги измиете внимателно пред да ги консумирате или готвите.

Кај брокулите и карфиолот наједноставно е да ги поделите на „цветчиња“ и внимателно да ги измиете, едно по едно.

Но, црвената зелка е многу покомплицирана. Пред да ја миете, мора да ги тргнете горните 2-3 листа, бидејќи на нив може да се задржани прашина или земја.

Потоа можете да ја ставите неколку минути во вода во која сте ставиле малку вински оцет за да ги убиете бактериите и инсектите кои можеби се наоѓаат внатре. Дури потоа измијте ја под млаз вода.

Лименки

Ако сакате да пиете сок или алкохол од лименка, најпрво мора да ја измиете.

Не ја ставајте устата врз алуминиумот, бидејќи не знаете какви сè бактерии може да има врз лименката или кој ја допирал со рацете.

Ако не можете да ја измиете во моментот, можете да ја избришете со влажно марамче.

Јаболка

Јаболката не е доволно само да ги измиете под млаз вода, напротив, треба да ги оставите да отстојат 12 минути во вода со сода бикарбона, а дури потоа да ги ставите под млаз.

На овој начин ќе се ослободите од пестицидите (доколку се јаболката прскани).

А. Ј. | Црнобело